គម្រោងស្ដារនិងលើកកម្រិតគុណភាពផ្លូវជាតិលេខ៣១ មានប្រវែងសរុប៥៣,៥៣គីឡូម៉ែត្រ ចាប់ពីបែ កគុស ចំណុចប្រសព្វផ្លូវជាតិលេខ៣ រហូតទៅដល់ទីរួមស្រុកកំពង់ត្រាច ចំណុចតភ្ជាប់ផ្លូវជាតិ លេខ ៣៣ សម្រេចបាន៦០ភាគរយហើយ ដោយគ្រោងនឹងបញ្ជប់ការសាងសង់នៅចុងឆ្នាំ២០២៤នេះ ដោយ បញ្ចប់មុនកិច្ចសន្យា១ឆ្នាំ។ បើតាមក្រសួងសាធារណការ និងដឹកជញ្ជូន បានឱ្យដឹងថា លោក ខាន់ ម៉ាណេរ រដ្ឋលេខាធិការក្រសួង សាធារណការ និងដឹកជញ្ជូន នៅថ្ងៃទី០៦ ខែមីនា ឆ្នាំ២០២៤ បានដឹកនាំក្រុមការងារជំនាញចុះពិនិត្យ គម្រោងស្តារ និងលើកកម្រិតគុណភាពផ្លូវជាតិលេខ៣១ ដោយបានធ្វើតេស្តដោយម៉ាស៊ីន FWD ផ្ទៀង ផ្ទាត់ភាពធន់នៃគ្រឹះរង Subbase ស្រទាប់គ្រឹះសំខាន់ Basecourse (ជាមធ្យមលទ្ធផល453MPa-507MPa) ស្រទាប់កម្រាលកៅស៊ូបេតុងAC ស្រទាប់ទី១( 439MPa-536MPa) និងខួងពិនិត្យកម្រាស់ ស្រទាប់AC ទី១(លទ្ធផល4,2cm-5cm) ដើម្បីអនុញ្ញាតឱ្យបន្តការងារទៅមុខទៀត។ ក្រោយពីបានចុះពិនិត្យផ្ទាល់ លោករដ្ឋលេខាធិការក្រសួងសាធារណការ បានបញ្ជាក់ថា លទ្ធផលការ ងារជារួម នៃគម្រោងស្ដារ និងលើកកម្រិតផ្លូវជាតិលេខ៣១ សម្រេចបាន៦០ភាគរយហើយ។ នៅដំ ណាច់ខែមិថុនា ការងារចាក់បេតុងកៅស៊ូស្រទាប់ទី១ និងទី២ និងរួចរាល់ដែល អាចឱ្យប្រជាពលរដ្ឋ ធ្វើដំណើរបានទៅមកដោយរលូន ហើយការងារផ្សេងៗទៀតដូចជា ការបំពាក់បរិក្ខារផ្លូវថ្នល់បន្ថែម ប្រព័ន្ធបង្ហូរទឹកសងខាងផ្លូវ និងការងារមួយចំនួនផ្សេងទៀត អាចនឹងបញ្ជប់នៅចុងឆ្នាំ២០២៤នេះ ដោយ បញ្ចប់មុនកិច្ចសន្យា១ឆ្នាំ។ គួរជម្រាបថា ការចុះពិនិត្យជាប្រចាំនេះធ្វើឡើងក្នុងគោលបំណងតាមដានការងារបច្ចេកទេសសាងសង់ របស់ក្រុមហ៊ុនសំដៅឱ្យការសាងសង់ប្រព្រឹត្តទៅស្របតាមបទដ្ឋានបច្ចេកទេស និងកិច្ចសន្យាសាងសង់ ធានាឱ្យបានការសាងសង់មានគុណភាពរឹងមាំ អាចប្រើប្រាស់ជាប់បានយូរអង្វែង៕