នៅព្រឹកថ្ងៃពុធ ៥កើត ខែមាឃ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី១៤ ខែកុម្ភះ ឆ្នាំ២០២៤ ការិយាល័យសុវត្ថិភាពចរាចរណ៍ នៃមន្ទីរសាធារណការ និងដឹកជញ្ជូនខេត្តកំពង់ស្ពឺ បានចុះអប់រំផ្សព្វផ្សាយស្តីពីសុវត្ថិភាពចរាចរណ៍ផ្លូវគោកដល់បងប្អូនប្រជាពលរដ្ឋ មកប្រកបរបររកទទួលទាននៅផ្សារកំពង់ស្ពឺ ស្ថិតនៅផ្លូវជាតិលេខ៤ ស្ថិតក្នុងសង្កាត់រការធំ ក្រុងច្បារមន ដើម្បីពញ្ញាក់ស្មារតីដល់អ្នកប្រើប្រាស់ផ្លូវ រាល់ពេលធ្វើដំណើរតាមដងផ្លូវ ត្រូវគោរពច្បាប់ចរាចរណ៍ ដើម្បីបញ្ចៀសបាននូវការគ្រោះថ្នាក់ចរាចរណ៍ និងបានចែកជូនឯកសារសុវត្ថិភាពចរាចរណ៍ផ្លូវគោកមួយចំនួនដូចជា÷ - កូនសៀវភៅអ្វីដែលអ្នកបើកបរទោចក្រយានយន្តត្រូវ យល់ដឹង - សៀវភៅច្បាប់ស្តីពីចរាចរណ៍ផ្លូវគោក - ខិត្តបណ្ណជំនួយស្មារតីច្បាប់ចរាចរណ៍ផ្លូវគោក - បិទស្ទីកឃ័រចំណាំងផ្លាត។