អបអរសាទរ ខួបលើកទី៧៥ ទិវាសិទ្ធិមនុស្សអន្តរជាតិ ១០ ធ្នូ ១៩៤៨ - ១០ ធ្នូ ២០២៣ ក្រសួងសាធារណការ និងដឹកជញ្ជូន សូមចូលរួមអបអរសាទរ ក្នុងឱកាសនៃការប្រារព្ធខួបលើកទី៧៥ នៃទិវាសិទ្ធិមនុស្សអន្តរជាតិ ថ្ងៃទី១០ ខែធ្នូ ឆ្នាំ២០២៣។ ទិវានេះត្រូវបានប្រារព្ធឡើងដើម្បីរម្លឹកដល់ការប្រកាសជាផ្លូវការនូវ សេចក្តីថ្លែងការណ៍ជាសកលស្តីពីសិទ្ធិមនុស្ស ដែលជាឯកសារដ៏សំខាន់មួយ ក្នុងប្រវត្តិសាស្ត្រមនុស្សជាតិរបស់ពិភពលោក។ សេចក្តីថ្លែងការណ៍នេះ ត្រូវបានប្រកាសជាផ្លូវការដោយអង្គមហាសន្និបាតអង្គការសហប្រជាជាតិ តាមរយៈសេចក្តីសម្រេចលេខ ២១៧A នៅទីក្រុងប៉ារីស នាថ្ងៃទី១០ ខែធ្នូ ឆ្នាំ១៩៤៨ ហើយត្រូវបានកំណត់ជាស្តង់ដាររួម នៃសមិទ្ធផលសម្រាប់ប្រជាជនគ្រប់ជាតិសាសន៍ និងត្រូវបានបកប្រែជាង ៥០០ភាសាផងដែរ៕ #HumanRightsDay #InternationalHumanRightsDay #StandUp4HumanRights