ភ្នំពេញ៖​ រដ្ឋបាលសង្កាត់ចោមចៅទី៣​ ខណ្ឌពោធិ៍សែនជ័យ​បានស្ថាបនាផ្លូវបេតុងមួយខ្សែដេីម្បីដាក់ឱ្យបងប្អូនប្រជាពលរដ្ឋងាយស្រួលក្នុងការរស់នៅនិងធ្វេីដំណេីរ។ លោកសុទ្ធ​ សុជាតិ​ ចៅសង្កាត់រងទី១​ នៃសង្កាត់ចោមចៅទី៣​ បានឱ្យដឹងថា​ ផ្លូវបេតុងដែលស្ថាបនាខាងលេី​ស្ថិតក្នុងភូមិត្រពាំងពោធិ៍ សង្កាត់ចោមចៅទី៣​ ខណ្ឌពោធិ៍សែនជ័យ​ មានប្រវែងបណ្តោយ២៦៨​ ម៉ែត្រ​ ទទឹង៥ម៉ែត្រ​ ។ កន្លងមកផ្លូវខាងលេីរងការខូចខាតទ្រុឌទ្រោមខ្លាំងពិបាកដល់ការស់នៅនិងធ្វេីដំណេីរដល់បងប្អូនប្រជាពលរដ្ឋ​។ ដោយឃេីញទុក្ខលំបាកបែបនេះរដ្ឋបាលសង្កាត់ចោមចៅទី៣​មានលោក​វ៉ា​ សាវឿន​ ជាចៅសង្កាត់​ បានចុះសិក្សានិងដាក់គ្រឿងចក្រដេីម្បីឈូសឆាយស្ថាបនាចាក់ជាផ្លូវបេតុង​ ដោយប្រេីថវិកាមូលនិធិអភិវឌ្ឍន៍សង្កាត់ចោមចៅទី៣​ ។ លោក​ សុទ្ធ​ សុជាតិ​ បានបន្តថា​ មូលនិធិសង្កាត់ចោមចៅទី៣​ កន្លងមកស្ថាបនាផ្លូវបេតុងបានចំនួន៣ភូមិមកហេីយ និងគ្រោងបន្តស្ថាបនាផ្លូវផ្សេងៗនាពេលឆាប់ៗនេះ។ ចំពោះផ្លូវបេតុងស្ថាបនាខាងលើមកដល់ថ្ងៃទី០៥​ ខែធ្នូ​ ឆ្នាំ២០២៣​ ​ការស្ថាបនាបានរួចរាល់សម្រេច100% ហេីយនិងដាក់ឱ្យប្រេីប្រាស់នាពេលឆាប់ៗនេះ៕