ការបើកឯកសារដេញថ្លៃជ្រើសរើសក្រុមហ៊ុនទីប្រឹក្សាបច្ចេកទេសសម្រាប់គម្រោងផ្លូវវាងក្រុងសៀមរាប (Green Siem Reap Urban Bypass Project) ដែលទទួលបានហិរញ្ញប្បទានសម្បទានពីសាធារណរដ្ឋកូរ៉េ តាមរយៈមូលនិធិសហប្រតិបត្តិការអភិវឌ្ឍន៍សេដ្ឋកិច្ច (EDCF) ទីស្តីការក្រសួង៖ នារសៀលថ្ងៃទី២១ ខែវិច្ឆិកា ឆ្នាំ២០២៣ ឯកឧត្តម សូរ វ៉ិចទ័រ រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំកិច្ចប្រជុំបើកឯកសារដេញថ្លៃជ្រើសរើសក្រុមហ៊ុនទីប្រឹក្សាបច្ចេកទេស ដោយមានការចូលរួមពីសមាជិកគណៈកម្មការវិវេចនាលទ្ធកម្ម និងគណៈកម្មការវាយតម្លៃជ្រើសរើសទីប្រឹក្សាបច្ចេកទេស នៃក្រសួងសាធារណការ និងដឹកជញ្ជូន និងក្រសួងសេដ្ឋកិច្ច និងហិរញ្ញវត្ថុ ។ គម្រោងផ្លូវវាងក្រុងសៀមរាបនេះ មានប្រវែង ៤៥,៧៧ គីឡូម៉ែត ចាប់ផ្ដើមត្រង់ចំណុច គ.ម២៩១+៥០០ លើកំណាត់ផ្លូវជាតិលេខ៦ ក្នុងភូមិអន្លង់ពីរ ឃុំត្រពាំងធំ ស្រុកប្រាសាទបាគង ឆ្លងកាត់ផ្នែកខាងត្បូងក្រុងសៀមរាប ឆ្ពោះទៅដល់គ.ម៣៣០+២០០ នៃកំណាត់ផ្លូវជាតិលេខ៦ ក្នុងភូមិពួកថ្មី ឃុំពួក ស្រុកពួក ខេត្តសៀមរាប៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube