នៅថ្ងៃទី១៦ ខែវិច្ឆិកា ឆ្នាំ២០២៣ អគ្គនាយកដ្ឋានពន្ធដារ បានក្រើនរំលឹកដល់ម្ចាស់យានជំនិះទាំងអស់ ដែលមិនទាន់បានបំពេញកាតព្វកិច្ចបង់ពន្ធ សូមប្រញាប់រួសរាន់មកដាក់លិខិតប្រកាសពន្ធឲ្យបានមុនថ្ងៃទី៣០ ខែវិច្ឆិកា ឆ្នាំ២០២៣។ ចំពោះការការបង់ពន្ធនេះ សូមសាធារណជនភ្ជាប់មកជាមួយនូវអត្តសញ្ញាណប័ណ្ណ ប័ណ្ណសម្គាល់យានយន្ត និង វិញ្ញាបនបត្រ ត្រួតពិនិត្យលក្ខណៈបច្ចេកទេសយានយន្ត ដែលចេញដោយ ក្រសួងសាធារណការ និង ដឹកជញ្ជូន នៅសាខាពន្ធដារខេត្ត- ខណ្ឌ ឬ នៅធនាគារ កាណាឌីយ៉ា ឬ នៅធនាគារអេស៊ីលីដា ភីអិលស៊ី ឬ នៅតាមធនាគារដែលបានចុះអនុស្សរណៈនៃ ការយោគយល់គ្នាជាមួយក្រសួងសេដ្ឋកិច្ច និង ហិរញ្ញវត្ថុ។ យានជំនិះរបស់ស្ថានទូតបរទេស ឬស្ថានកុងស៊ុល អង្គការអន្តរជាតិ ឬទីភ្នាក់ងារសហប្រតិបត្តិការបច្ចេកទេសរបស់រដ្ឋាភិបាល ត្រូវអនុវត្តចំពោះអគ្គនាយកដ្ឋានពន្ធដារ សម្រាប់ការបង់ពន្ធ (ពន្ធដែលរដ្ឋជំពាក់)។