ការរៀបចំប្រឡងបញ្ចប់ឆមាសទី១ ឆ្នាំទី២ ជំនាន់ទី២ នៃវិទ្យាស្ថានតេជោសែន សាធារណការ និងដឹកជញ្ជូន សម្រាប់ឆ្នាំសិក្សា២០២២-២០២៣ ទីស្តីការក្រសួង៖ ថ្ងៃពុធ ៨រោច ខែទុតិយាសាឍ ឆ្នាំថោះ បញ្ចស័ក ព.ស ២៥៦៧ ត្រូវនឹង ថ្ងៃទី៩ ខែសីហា ឆ្នាំ២០២៣ វិទ្យាស្ថានតេជោសែន សាធារណការ និងដឹកជញ្ជូន បានរៀបចំការ ប្រឡងបញ្ចប់ឆមាសទី១ ឆ្នាំទី២ របស់និស្សិតជំនាន់ទី២ នៃវិទ្យាស្ថានតេជោសែន សាធារណការ និងដឹកជញ្ជូន សម្រាប់ឆ្នាំសិក្សា២០២២-២០២៣។ ការប្រឡងបញ្ចប់ឆមាសទី១ ថ្ងៃទីមួយ នេះគឺមានការប្រឡងលើមុខវិជ្ជាដូចជា Engineering Mathematic, Strength of Materials, Mathematic for Operation Research, មូលដ្ឋានគ្រឹះម៉ាស៊ីនរថយន្ត មូលដ្ឋានគ្រឹះនៃការចែកចាយ និងការរចនាប្រព័ន្ធដឹកជញ្ជូន។ សូមជម្រាបជូនថា៖ ការប្រឡងបញ្ចប់ឆមាសទី១ ឆ្នាំទី២ របស់និស្សិតវិទ្យាស្ថានតេជោសែន សាធារណការ និងដឹកជញ្ជូន ជំនាន់ទី២ ឆ្នាំសិក្សា២០២២-២០២៣ នេះ នឹងប្រព្រឹត្តទៅរយៈពេលបីថ្ងៃពេញ ទាំងពេលព្រឹក និងពេលរសៀល ចាប់ពីថ្ងៃទី០៩ ដល់ថ្ងៃទី១១ ខែសីហា ឆ្នាំ២០២៣ ដែលមាននិស្សិតជំនាន់ទី២ ចូលរួមប្រឡងលើជំនាញរួមមាន៖ ១. ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងសំណង់កំពង់ផែ ២. ជំនាញប្រព័ន្ធចម្រោះទឹកកខ្វក់ ៣. ជំនាញសេដ្ឋកិច្ច និងគ្រប់គ្រងដឹកជញ្ជូនផ្លូវគោក ៤. ជំនាញភស្តុរភារកម្ម និងគ្រប់គ្រងខ្សែច្រវាក់ផ្គត់ផ្គង់៕