[Swift news daily] - យានយន្តបានប្រហែលជាង៨០ម៉ឺនគ្រឿង និងម៉ូតូបានប្រហែលជាង៣លានគ្រឿង បានចុះបញ្ជីត្រឹមត្រូវ
2018-06-06
ទៅកាន់ទំព័រចុះផ្សាយក្នុង Swift news daily
(ភ្នំពេញ) ៖ ឯកឧត្តម តូច ចាន់កុសល រដ្ឋលេខាធិការ នៃក្រសួងសាធារណការ និងដឹកជញ្ជូនបានបញ្ជាក់រហូតមកពេលនេះ ការចុះបញ្ជីរបស់យានយន្តបានប្រហែលជាង៨០ម៉ឺនគ្រឿង និងម៉ូតូបានប្រហែលជាង៣លានគ្រឿង ហើយទីតាំងត្រួតពិនិត្យលក្ខណៈបច្ចេកទេសមាន១៤កន្លែងនិងរថយន្តចល័យ៣គ្រឿង។
លោកបានថ្លែងប្រាប់អ្នកសារព័ត៌មាននៅក្នុងកិច្ចប្រជុំគណៈកម្មការសម្របសម្រួលរួមលើកទី៤ ស្តីពីគម្រោងទំនើបកម្មប្រព័ន្ធចុះបញ្ជីនិងត្រួតពិនិត្យលក្ខណៈបច្ចេកទេសយានយន្ត នៅរសៀលថ្ងៃពុធ ទី០៦ ខែមិថុនា ឆ្នាំ២០១៨ វេលាម៉ោង ១៤និង៣០រសៀល នៅសាលប្រជុំ Jasmine Room ជាន់ទី១ នៃសណ្ឋាគារភ្នំពេញ។ កិច្ចប្រជុំនេះដែរ មានការអញ្ជើញចូលរួមពី ថ្នាក់ដឹកនាំ ប្រធាន អនុប្រធាន នាយកដ្ឋាន ព្រមទាំងប្រធាន និងក្រុមជំនាញការអង្គការ JICA ផងដែរ។
ឯកឧត្តម តូច ចាន់កុសល រដ្ឋលេខាធិការ នៃក្រសួងសាធារណការ និងដឹកជញ្ជូន បានឲ្យដឹងថាគោលដៅសំខាន់ក្នុងកិច្ចប្រជុំគណៈកម្មការសម្របសម្រួលរួមលើកទី៤ ស្តីពីគម្រោងទំនើបកម្មប្រព័ន្ធចុះបញ្ជីនិងត្រួតពិនិត្យលក្ខណៈបច្ចេកទេសយានយន្តមានបញ្ហា៣ដែលរួមមានទី១-ការពិនិត្យឡើងវិញនូវបទល្មើសទាំងយើងទទួលបាន។ ទី២-ពិនិត្យអំពីការរៀបចំប្រព័ន្ធអាយធី ចុះប្រព័ន្ធយានយន្ត។ ក្នុងនោះគឺយើងបានបើកពិនិត្យឡើងវិញថាយើងនៅមានចំណុចខ្វះខាតខ្លះដើម្បីធ្វើការកែតម្រូវក្នុងប្រព័ន្ធចុះបញ្ជី។ ហើយមួយទៀតនោះគឺប្រព័ន្ធអាយធី ដែរគឺចង់អភិវឌ្ឍន៍ប្រព័ន្ធអាយធីរបស់យើង ព្រោះសព្វថ្ងៃនេះយើងបានធ្វើការចែករំលែកព័ត៌មានក្រសួងនិងក្រសួងសេដ្ឋកិច្ច ហិរញ្ញវត្ថុជាពិសេសផ្នែកគយ អគ្គនាយកដ្ឋានគយនិងពន្ធដារ ចែករំលែកព័ត៌មានគ្នាទៅវិញទៅមកដើម្បីសម្រួលក្នុងការចុះបញ្ជីយានយន្ត។
ហេតុដូច្នេះដើម្បីផ្ទៀងផ្ទាត់ ពីដើមយើងយកលិខិតពីគយទៅបញ្ជាក់ថាវាត្រឹមត្រូវឬវាមិនត្រឹមត្រូវ ឥឡូវនេះយើងបានចុះប្រព័ន្ធអញ្ចឹងទៅ យើងអាចពិនិត្យព័ត៌មានដែលផ្ញើឲ្យគ្នាទៅវិញទៅមកយើងមើលឃើញថារថយន្តនេះមានក្រដាសពន្ធប៉ុណ្ណឹង លេខតួលេខម៉ាស៊ីនប៉ុណ្ណឹង វាត្រឹមត្រូវគឺចុះបញ្ជីឲ្យតែម្តង។ និងទី៣-គឺយើងភ្ជាប់ជាមួយពន្ធដារ បញ្ហាសំខាន់គឺការកាត់ឈ្មោះយានយន្តពីព្រោះថាដើម្បីកាត់ឈ្មោះបានទាមទារឲ្យម្ចាស់យាយន្តទាំងអស់បង់ពន្ធ ដែលគេហៅថាបង់ពន្ធកាត់ឈ្មោះ ក្នុងច្បាប់របស់ក្រសួងសេដ្ឋ ហិរញ្ញវត្ថុបង់ពន្ធប្រថាប់ត្រា ដើម្បីកាត់ឈ្មោះបាន។ អញ្ចឹងយើងភ្ជាប់គ្នាទៅវិញទៅមកដើម្បីពិនិត្យថាបងប្អូនបានបង់ពន្ធប្រថាប់ត្រាហើយយើងកាត់ឈ្មោះជូនគាត់តែម្តង។
ឥឡូវនេះគោលដៅរបស់យើងបច្ចេកទេស អាយធីមួយទៀត យើងរៀបចំភ្ជាប់ប្រព័ន្ធទៅខាងអត្តសញ្ញាណកម្មដើម្បីផ្ទៀងផ្ទាត់ថា តើអត្តបណ្ណនិងអាស័យដ្ឋានរបស់គាត់ត្រឹមត្រូវឬយ៉ាងណា។ បានបញ្ហាពេលនេះខ្ញុំគិតថាវាជាការងាយស្រួលដើម្បីឲ្យប្រជាជនយើងមានលទ្ធភាពមកចុះបញ្ជីដោយមិនចាំបាច់រត់ចុះរត់ឡើង ដែលនាំអោយមានស្មុគស្មាញ ហើយការចុះបញ្ជីបានលឿនទៀតផង។
ហើយចំណុចធំមួយទៀតនោះគឺបញ្ហាការត្រួតពិនិត្យលក្ខណៈបច្ចេកទេសយានយន្ត កន្លងមកដោយសារយើងចង់ឲ្យដំណើរត្រួតពិនិត្យលក្ខណៈនេះបានទូទាំងប្រទេស ក្រសួងបានអនុញ្ញាតឲ្យក្រុមហ៊ុនដំឡើងទីតាំងត្រួតពិនិត្យលក្ខណៈបច្ចេកទេសឲ្យបានច្រើនកន្លែងនៅទូទាំងប្រទេស ហើយយើងមានរថយន្តចល័តសម្រាប់ត្រួតពិនិត្យលក្ខណៈយានយន្តជូនបងប្អូនដែលនៅខេត្តឆ្ងាយៗដែលមិនអាចយកឡានមកបាន។ ដូច្នេះដំណើរការនេះបានដើរទៅហើយដោយផ្អែកទៅលើគម្រោងនេះយើងបណ្តុះបណ្តាលបុគ្គលិកអ្នកត្រួតពិនិត្យលក្ខណៈយានយន្ត ទាំងមន្ត្រីក្រសួងសាធារណការនិងដឹកជញ្ជូនដើម្បីមានលទ្ធភាពគ្រប់គ្រងនិងត្រួតពិនិត្យ កន្លែកឆៀកយានយន្តទាំងអស់នោះ ហើយការឆៀកនោះត្រឹមត្រូវតាមលក្ខណៈបច្ចេកទេសឬយ៉ាងណា បង្រៀងអ្នកឆៀកទាំងអស់នោះឲ្យគាត់ចេះពីរបៀបឆៀកឲ្យកាន់តែស៊ីជម្រៅទៀត ព្រោះកន្លងមកគាត់អនុវត្តតាមការយល់ដឹងរបស់គាត់ ហើយបច្ចុប្បន្នយើងមានលក្ខណៈបច្ចេកទេសត្រឹមត្រូវមានស្តង់ដារត្រឹមត្រូវ ដើម្បីឲ្យគាត់ឆៀក និងត្រួតពិនិត្យលក្ខណៈយានយន្តឲ្យកាន់តែសុក្រិតជាងមុន។
លោកបានបន្ថែមថាប្រព័ន្ធអាយធី ដែលសំខាន់នោះយើងនិងបង្កើតមជ្ឈមណ្ឌលព័ត៌មាន(Data Center) នៅក្រសួងសាធារណការនិងដឹកជញ្ជូន។ Data Center មានសារៈសំខាន់ណាស់ព្រោះថាបើយើងមិនមានព័ត៌មានច្បាស់លាស់នោះទេ ការគ្រប់គ្រង់យានយន្តទូទាំងប្រទេសមានការលំបាក។ Data Center បច្ចុប្បន្ន JICA បានផ្តលើ Data Centerមួយតូចដែលជាជំហានដំបូងគ្រប់គ្រងបញ្ចូលព័ត៌មានទិន្នន័យរបស់យើងបញ្ចូលទៅ Data Centerនោះ ហើយការអនុវត្តនេះគាត់បានបញ្ជាទិញអស់ហើយ យើងបានចាំដំឡើងនៅក្រសួងសាធារណការនិងដឹកជញ្ជូន ៕
