ព្រះសីហនុៈ សម្តេចអគ្គមហាសេនាបតីតេជោ ហ៊ុន សែន នាយ ករដ្ឋមន្ត្រី នៃព្រះរាជាណាចក្រកម្ពុជា បានថ្លែងថាៈ មានលក្ខខណ្ឌចំនួន៣ ដែលនាំឱ្យ កម្ពុជាក្លាយជាសមាជិក គំនិតផ្តួចផ្តើម «ខ្សែក្រវាត់មួយនិងផ្លូវមួយ»​ របស់ចិន រួមមានៈ ទី១.បើអ្នកចង់ឲ្យខ្ញុំគាំទ្រអ្វីដែលវត្ថុបំណង ត្រូវតែបម្រើឲ្យសន្តិភាព និងការអភិវឌ្ឍ, ទី២.គឺកុំប្រឆាំងជាមួយប្រទេសណា និងទី៣.ត្រូវគោរពមជ្ឈភាពរបស់អាស៊ាន ។ នេះជាគោលការណ៍ធំៗ នៃគោលនយោបាយការបរទេសរបស់កម្ពុជា។ សម្ដេតេជោ ហ៊ុន សែន បានលើកឡើង នៅក្នុងពិធីសំណេះសំណាលជាមួយ កម្មករ-និយោជិត នៅតំបន់សេដ្ឋកិច្ចពិ សេស ក្រុងព្រះសីហនុ នៅព្រឹកថ្ងៃទី២២ ខែឧសភា ឆ្នាំ ២០២៣ នេះ។ សម្តេចតេជោ ហ៊ុន សែម បានមានប្រសាសន៍ថាៈ «ខ្ញុំគួរតែបញ្ជាក់អំពីសារបាន ហេតុ អ្វីបានជាកម្ពុជា ស្ថិតក្នុងប្រទេស ១៥០ និងអង្គការអន្តរជាតិ ៣២ ដែលបានចុះ ហត្ថលេខា លើកិច្ចសហប្រតិបត្តិការ ក្នុងក្របខណ្ឌខ្សែក្រវាត់ និងផ្លូវ ដែលផ្តួចផ្តើម ដោយឯកឧត្តមប្រធានាធិបតី ស៊ី ជិនពីង ។ ចំណុចនេះ គឺស្របជាមួយគោលនយោបាយ ពីដើមដល់ចប់របស់កម្ពុជា។ ចំណុចបី ដែលកម្ពុជា ត្រូវដើររាល់គំនិតផ្តួចផ្តើមទាំងអស់ ត្រូវតែបម្រើដល់សន្តិភាព និងការអភិវឌ្ឍ ព្រោះគំនិតផ្តួចផ្តើមក្នុងតំបន់អាស៊ីប៉ាស៊ីហ្វិក ឬ ឥណ្ឌូប៉ាស៊ីហ្វិក វាច្រើនពេកហើយ ប៉ុន្តែកម្ពុជា ត្រូវតែរក្សាគោលជំហរ ទី១៖ បើអ្នកចង់ ឲ្យខ្ញុំគាំទ្រអ្វីដែលវត្ថុបំណង ត្រូវតែបម្រើឲ្យសន្តិភាព និងការអភិវឌ្ឍ, ទី២៖ គឺកុំប្រឆាំងជាមួយប្រទេសណា និងទី៣៖ ត្រូវគោរពមជ្ឈភាពរបស់អាស៊ាន។ នេះ ជាគោលការណ៍ធំៗ នៃគោលនយោបាយការបរទេសរបស់កម្ពុជា»។ សម្តេចតេជោ ហ៊ុន សែន បានបន្តថាៈ មិនមែនតែកម្ពុជាទេ ដែលទទួលបានផលប្រ យោជន៍ ពីគំនិតផ្តួចផ្តើមខ្សែក្រវាត់និងផ្លូវនេះ បណ្តាប្រទេសអាស៊ានដទៃទៀត ក៏កំពុងទទួលបានផលប្រយោជន៍ ផងដែរ។ សម្តេចតេជោ ហ៊ុន សែន បានយកឱកាសនេះ ថ្លែងនូវការអបអរសាទខួប ១០ឆ្នាំ នៃគំនិតផ្តួចផ្តើមខ្សែក្រវាត់និងផ្លូវរបស់ចិន ដែលដាក់ចេញដោយលោកប្រធានាធិបតី ស៊ី ជិនពីង។ សម្តេចតេជោ បានរំលឹកពីការអញ្ជើញចូលរួម ក្នុងកិច្ចប្រជុំគំនិតផ្តួចផ្តើមខ្សែក្រវាត់ និងផ្លូវរបស់ចិន កាលពីឆ្នាំ២០១៣ ដោយលោក ស៊ី ជិនពីង បានប្រកាសអនុវត្តន៍ គំនិតផ្តួចផ្តើមខ្សែក្រវាត់និងផ្លូវ និងបានប្រកាសដាក់នូវថវិកាចំនួន ៣០ ពាន់ លានដុល្លារ។ ពេលនោះ សម្តេចបានថ្លែងទៅកាន់ប្រធានាធិបតីចិន ក្នុងអង្គប្រជុំថា តំបន់របស់យើង មានគំនិតផ្តួចផ្តើមច្រើនណាស់ ប៉ុន្តែអ្វីដែលយើងខ្វះខាត គឺមិនមានប្រាក់ ដើម្បីអនុវត្តន៍គម្រោងនោះទេ។ បន្ទាប់ពីគំនិតផ្តួចផ្តើមខ្សែក្រវាត់និងផ្លូវ របស់ចិន ត្រូវបានអនុវត្តន៍ មានសមិទ្ធផលជាច្រើន ក្នុងតំបន់អាស៊ាន ចាប់ផ្តើមដំណើរការ ដូចផ្លូវរថភ្លើង, ផ្លូវហាយវ៉េ តភ្ជាប់រវាងចិន និងប្រទេសអាស៊ាន ជាដើ​ម។ សម្តេចតេជោ បានបន្តថាៈ ជាក់ស្តែង សម្រាប់កម្ពុជា ក៏ទទួលបានផលប្រយោជន៍ ដូច ជាពហុកីឡដ្ឋានជាតិមរតកតេជោ ដែលទើបទទួលភ្ញៀវ ស៊ីហ្គេម និងបិទបញ្ចប់ ដោយ ជោគជ័យ នាពេលថ្មីៗ កន្លងទៅនេះ។ ក្រៅពីនេះ នៅមានផ្លូវល្បឿនលឿ​ន ភ្នំពេញ -ព្រះសីហនុ, ព្រលានយន្តហោះអន្តរជាតិសៀមរាប, គម្រោងតភ្ជាប់ខ្សែកាប្លិ៍អ៊ិនធើណិត ក្រោមបាតសមុទ្រ ហុងកុង-ព្រះសីហនុ រួមទាំងបណ្តាគម្រោងអភិវឌ្ឍន៍ផ្លូវថ្នល់ ស្ពាន មន្ទីរពេទ្យ ជាច្រើនទៀតផងដែរ។ សម្តេចតេជោ បានមានប្រសាសន៍ថាៈ សម្រាប់ឆ្នាំ២០២៣ នេះ ជាឆ្នាំដ៏ពិសេសរបស់ កម្ពុជា-ចិន ដែលជាខួបលើកទី៦៥ នៃចំណងទំនាក់ទំនង រវាងចិន-កម្ពុជា និងជាខួប ១០ឆ្នាំ នៃគំនិតផ្តួចផ្តើមខ្សែក្រវាត់មួយ និងផ្លូវមួយ របស់លោកប្រធានាធិប តី ស៊ី ជិនពីង។ សម្តេចតេជោ ហ៊ុន សែន បានថ្លែងថាៈ សម្តេចបានខិតខំធ្វើការ ជាមួយថ្នាក់ដឹកនាំចិន រហូតដល់បង្កើតបានមិត្តភាពដៃគូជាយុទ្ធសាស្ត្រ គ្រប់គ្រុងជ្រោយ។ បន្ថែមលើនោះ លោក ស៊ី ជិនពីង ប្រធានាធិបតីចិន បានប្រសិទ្ធនាមកម្ពុជាថា «ជាមិត្តដែកថែប» ដែលមិនអាចមានអ្នកណា មកបំបែកបំបាក់សាមគ្គីភាពនេះបានទេ៕