[Technology Cambodia] - កំពុងបើកបរ តែត្រូវប្រើទូរស័ព្ទបន្ទាន់! ក្រសួងប្រាប់ជម្រើសពីរ គួរធ្វើពេលកំពុងបើកបរយានយន្ត
2023-05-20
ទៅកាន់ទំព័រចុះផ្សាយក្នុង Technology Cambodia
នៅតាមដងផ្លូវ យើងសង្កេតឃើញថាមានភាពរវល់ខ្លាំងមែនទែន សូម្បីតែនៅពេលបើកបរក៏និយាយទូរស័ព្ទដែរ ចំណែកអ្នកខ្លះទៀត ពេលឈប់ស្តុបម្តងៗនាំគ្នាលើកទូរស័ព្ទមកចុងសឹងតែគ្រប់គ្នា ទាំងអ្នកជិះម៉ូតូ និងអ្នកបើកបរឡានផងដែរ ករណីទាំងនេះជាហេតុបង្កឲ្យមានគ្រោះថ្នាក់ ជាយថាហេតុ ដោយមិននឹកស្មានមិនដល់ ហើយក៏អាចបង្ករគ្រោះថ្នាក់ទាំងខ្លួនឯង និងមនុស្សជុំវិញ ព្រមទាំងប្រឈមមុខជាមួយនឹងផ្លូវច្បាប់ផងដែរ។
យោងតាមការចុះផ្សាយពីក្រសួងសាធារណការ និងដឹកជញ្ជូន បានឲ្យដឹងថា នៅក្នុងច្បាប់ចរាចរណ៍ផ្លូវគោក មាត្រា៨ថ្មី ចំណុចទី៦ "ហាមអ្នកបើកបរប្រើទូរស័ព្ទនៅពេលកំពុងបើកបរយានជំនិះដោយគ្មានឧបករណ៍សម្លេងភ្ជាប់ទំនាក់ទំនង" ។
ដើម្បីជៀសវាងការផាកពិន័យ និងដើម្បីសុខសុវត្ថិភាពនៅលើដងផ្លូវ ត្រូវធ្វើវិធីខាងក្រោម៖
-ក្នុងករណីអ្នកបើកបរដែលត្រូវការប្រើទូរស័ព្ទបន្ទាន់ត្រូវឈប់អែបខាងផ្លូវ នៅកន្លែងមានសុវត្ថិភាពដើម្បីប្រើទូរស័ព្ទ ។
-ប្រើឧបរកណ៍ជំនួយសម្លេងភ្ជាប់ទំនាក់ទំនង (កាស)
សូមចូលរួមគោរពច្បាប់ចរាចរណ៍ទាំងអស់គ្នា ដើម្បីខ្លួនឯង គ្រួសារ និងមនុស្សជុំវិញខ្លួន “ថ្ងៃនេះថ្ងៃស្អែកកុំឲ្យមានគ្រោះថ្នាក់ចរាចរណ៍”៕
