ការស្ថាបនាប្រព័ន្ធផ្លូវដែកចាស់ ប្រវែងជាង ២៥០០ម៉ែត្រ និងបេតុងទទឹង ១៦,៥ម៉ែត្រថ្មី ឆ្អឹងដែក ១២លី ក្រាលថ្មមុិច កំម្រាស់ ២ទឹក មានសួនច្បារកណ្តាល ២,៥ម៉ែត្រ ជាផ្លូវយុទ្ធសាស្ត្រក្នុងការរំដោះចរាចរ តំបន់បឹងកក និងតំបន់ទួលសង្កែ សង្កាត់ច្រាំងចំរេះទី១ និងទី២ គីឡូម៉ែតលេខ៦ ដល់កែងផ្លូវជាតិលេខ៥ ខណ្ឌប្ញស្សីកែវ របស់ រដ្ឋបាលរាជធានីភ្នំពេញ ។ គិតត្រឹមថ្ងៃទី១៨ ខែឧសភា ឆ្នាំ២០២៣នេះ រដ្ឋបាលរាជធានីភ្នំពេញ ជំនាញមន្ទីរសាធារណការ និងដឹកជញ្ជូនរាជធានីភ្នំពេញ ដែលបានសហការជាមួយក្រុុមហ៊ុនជំនាញ (SCE) បានបញ្ជាក់ថា ការស្ថាបនាចាក់ជាបេតុងឆ្អឹងដែក ១២លី ទទឹង ១៦,៥ម៉ែត្រថ្មី ប្រវែងបណ្តាយជាង ២៥០០ម៉ែត្រ និងចិញ្ចើមផ្លូវ គឺជាយុទ្ធសាស្រ្តសំខាន់ក្នុងការជួយទាញរំដោះចរាចរណ៍ អោយកាន់តែប្រសើរថែមទៀត ពីតំបន់អនុវិទ្យាល័យសាមគ្គី តំបន់វត្តទួលសង្កែ តំបន់បុរីទួលសង្កែ ជាពិសេសរំដោះចរាចរណ៍ពី ភ្នំពេញសេនធ័រ ឆ្ពោះមក ផ្លូវជាតិលេខ៥ ផងដែរ ។ មន្ត្រីជំនាញមន្ទីរសាធារណការ និងដឹកជញ្ជូនរាជធានីភ្នំពេញ និងក្រុមហ៊ុន ( SCE ) សំណូមពរដល់ប្រជាពលរដ្ឋ និងអ្នកធ្វើដំណើរនៅលើដងផ្លូវដែកចាស់នេះ សូមមេត្តា គោរពច្បាប់ចរាចរណ៍ និងចូលរួមថែរក្សាអនាម័យបរិស្ថានតាមផ្លូវនានា ជាពិសេសចូលរួមទុកដាក់សំរាមអោយបានត្រឹមត្រូវ តាមបណ្តាយផ្លូវដែលកំពុងការដ្ឋានដំណើរការ រួមទាំងការទុកដាក់សំភារៈផ្សេងៗ អោយមានសណ្តាប់ធ្នាប់ពេលការដ្ឋានទៅដល់ ព្រមទាំង សូមមេត្តាយោគយល់ ដល់ក្រុមការងារសម្រាប់ការបន្តបិទផ្លូវនេះមួយផ្នែកៗទៀត ដើម្បីផ្តល់ភាពងាយស្រួលក្នុងរង្វង់ការដ្ឋានបានដំណើការលឿន។ ម្យ៉ាងវិញទៀត ដើម្បីអោយបងប្អូនធ្វើដំណើបានស្រួល និងមានសុវត្ថិភាពខ្ពស់ ៕