[Technology Cambodia] - ត្រឹមរយ:ពេលតែ៣ឆ្នាំ ក្រសួងរកចំណូលពីផ្លាកលេខពិសេសពីរប្រភេទនេះ ប្រមូលលុយបាន ៥៨លានដុល្លារ
2023-03-09
ទៅកាន់ទំព័រចុះផ្សាយក្នុង Technology Cambodia
ភ្នំពេញ៖ ត្រឹមរយ:ពេល ៣ឆ្នាំ ចាប់តាំងពីការប្រកាសលក់នូវស្លាកលេខពិសេសផ្ទាល់ខ្លួន ក្រសួងសាធារណការ និងដឹកជញ្ជូនរកចំណូលចូលរដ្ឋពីការលក់ស្លាកលេខពិសេសផ្ទាល់ខ្លួននេះ បានប្រមាណជាង ១៦០០០លេខ គិតជាទឹកប្រាក់ប្រមាណជាង ២៨លានដុល្លារសហរដ្ឋអាមេរិក។
បើយោងតាមខ្លឹមសាររបស់ ឯកឧត្តមទេសរដ្ឋមន្រ្តី ស៊ុន ចាន់ថុល ជារដ្ឋមន្ត្រីនៃក្រសួងសាធារណការ និងដឹកជញ្ជូនដែលបានថ្លែងកាលពីថ្ងៃទី០៧ មីនា ២០២៣ ក្នុងកម្មវិធីគម្របខួប ៣ឆ្នាំនៃការលក់ស្លាកលេខពិសេសផ្ទាល់ខ្លួន បានឲ្យដឹងថា ចាប់ពីតាំងពីការបើកឲ្យលក់នូវស្លាកពិសេសផ្ទាល់ខ្លួន(កម្ពុជា)មកដល់បច្ចុប្បន្ននេះគឺ មានរយ:ពេល ៣ឆ្នាំ ក្រសួងបានរកចំណូលពីស្លាកលេខប្រភេទនេះ លក់បាន ១៦០០០លេខ គិតជាទឹកប្រាក់ប្រមាណជាង ២៨លានដុល្លារសហរដ្ឋអាមេរិក រីឯស្លាកលេខពិសេស(ខេត្ត-ក្រុង) លក់បានចំនួនជាង ១០១០០០លេខ គិតជាទឹកប្រាក់ប្រមាណជាង ២៥លានដុល្លារសហរដ្ឋអាមេរិក សរុបមកទាំងស្លាកលេខពិសេស និងស្លាកលេខពិសេសផ្ទាល់ខ្លួន ក្នុងរយ:ពេល ៣ឆ្នាំមកនេះ ក្រសួងបានប្រមូលថវិកាបានប្រមាណជាង ៥៣០០០០០០ដុល្លារ។
ឯកឧត្តម ក៏បានបញ្ជាក់ផងដែរ ថា ក្នុងឆ្នាំ២០២២ ស្លាកលេខពិសេសទាំងពីរប្រភេទនេះ រកចំណូលបានជាង ២0លានដុល្លារ កើនឡើងជាង ២២% បើធៀបនឹងឆ្នាំ២០២១៕
