កិច្ចប្រជុំពិនិត្យវឌ្ឍនភាពការងារប្រចាំខែមករា ឆ្នាំ២០២៣ របស់គណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត ទីស្ដីការក្រសួង៖ ថ្ងៃព្រហស្បតិ៍ ១២កើត ខែមាឃ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០២ ខែកុម្ភៈ ឆ្នាំ២០២៣ លោកជំទាវ កុយ សុដានី រដ្ឋលេខាធិការក្រសួងសាធារណការ និងដឹកជញ្ជូន និងជាប្រធានគណៈកម្មការរអន្តរក្រសួងគ្រប់គ្រងការលក់លេខចុះបញ្ជីរថយន្ត បានអញ្ជើញដឹកនាំកិច្ចប្រជុំប្រចាំខែមករា ឆ្នាំ២០២៣ ដើម្បីពិនិត្យវឌ្ឍនភាពនៃការលក់លេខចុះបញ្ជីយានយន្តរបស់គណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត ដោយមានការចូលរួមពីសមាជិកសមាជិកាគណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត និងសមាជិកនៃអនុគណៈកម្មការជំនាញទាំងពីរផងដែរ។ អនុគណៈកម្មការជំនាញទាំងពីរបានធ្វើបទបង្ហាញពីរបាយការណ៍វឌ្ឍនភាពការងារលក់លេខពិសេស និងលេខពិសេសផ្ទាល់ខ្លួន វឌ្ឍនភាពនៃការស្វែងរកលេខពិសេសផ្ទាល់ខ្លួនតាមរយៈប្រព័ន្ធបច្ចេកវិទ្យា ការត្រៀមធ្វើតេស្ដប្រព័ន្ធសម្រាប់ការដេញថ្លៃលេខរថយន្ត ក៏ដូចជាទិសដៅការងាររបស់ក្រុមការងារក្នុងការពង្រឹងការផ្តល់សេវាសាធារណៈជូនប្រជាពលរដ្ឋឱ្យកាន់តែប្រសើរឡើងផងដែរ៕