យល់ដឹងពីផ្លាកសញ្ញាគ្រោះថ្នាក់ (Warning Signs) ដែលអ្នកអាចជួបញឹកញាប់នៅតាមដងផ្លូវ ១ ផ្លាកសញ្ញាបង្ហាញផ្លូវកោងទៅឆ្វេង (LEFT BEND)៖ សញ្ញានេះ ប្រើសម្រាប់ឱ្យអ្នកបើកបរប្រុងប្រយ័ត្នមានផ្លូវកោង ទៅឆ្វេងនៅខាងមុខ។ ២ ផ្លាកសញ្ញាបង្ហាញអាច មានសត្វពាហនៈឆ្លងកាត់ (ANIMALS CROSSING)៖ សញ្ញានេះ ប្រើសម្រាប់ឱ្យអ្នកបើកបរ ប្រុងប្រយ័ត្នខាងមុខអាចមានសត្វពាហនៈឆ្លងកាត់។ ផ្លាកសញ្ញាគ្រោះថ្នាក់ (Warning Signs) មានរាងជាការ៉េ ដែលមានអង្កត់ទ្រូងមួយជាខ្សែឈរ និងអង្កត់ទ្រូងមួយទៀតជាខ្សែដេក មានជាយក្នុងពណ៌ខ្មៅ និងជាយក្រៅពណ៌ស ផ្ទៃពណ៌លឿង ហើយមានរូប ឬសញ្ញាសម្គាល់ខាងក្នុងពណ៌ខ្មៅ។​ ផ្លាកសញ្ញាប្រភេទនេះប្រើសម្រាប់ពញ្ញាក់អារម្មណ៍អ្នកបើកបរ ឱ្យបង្កើនការប្រុងប្រយ័ត្នពិសេសថែមទៀត ដើម្បីជៀសវាងគ្រោះថ្នាក់ដែលអាចកើតមានជាយថាហេតុ។ សូមបងប្អូនប្រជាពលរដ្ឋទាំងអស់គោរពច្បាប់ចរាចរណ៍ឱ្យបានខ្ជាប់ខ្ជួន ដើម្បីទទួលបាននូវសុខសុវត្ថិភាពល្អ។ បងប្អូនក៏អាចចូលរួមក្នុងថែទាំផ្លូវថ្នល់តាមរយៈការរាយការណ៍លើបញ្ហាផ្លូវថ្នល់ដែលត្រូវជួសជុលថែទាំ លើកម្មវិធីថែទាំផ្លូវ ( ROAD CARE Mobile App) ដើម្បីអាចឱ្យមន្រ្តីជំនាញ ឬមន្ត្រីពាក់ព័ន្ធធ្វើការត្រួតពិនិត្យ និងចាត់វិធានការទាន់ពេលវេលា។ ទាញយកកម្មវិធីថែទាំផ្លូវ (ROAD CARE Mobile App)៖ - App Store: https://roadcare.mpwt.gov.kh/ios - Play Store: https://roadcare.mpwt.gov.kh/android