សូមគោរពជម្រាបជូនដល់សាធារណៈជនទំាងអស់ឱ្យបានជ្រាបថា ក្នុងរយៈពេលពីរថ្ងៃចុងក្រោយនេះ ដោយសារជាថ្ងៃចុងសបា្តហ៍ និងជាថ្ងៃដែលនៅក្នុងក្រុងព្រះសីហនុកំពុងតែប្រារព្ធពិធីបុណ្យសមុទ្រ ក្រុមហ៊ុនយើងខ្ញុំបានប្រទះឃើញមានជនខិលខូចមួយចំនួនបានយកវីដេអូកកស្ទះចរាចរណ៍ដែលបានកើតឡើងកាលពីអតីតមកផ្សព្វផ្សាយ បណ្តាលឱ្យសាធារណៈជនមានការយល់ច្រឡំពីទិដ្ឋភាពចរាចរណ៍ជាក់ស្តែងនៅលើផ្លូវល្បឿនលឿន ដែលជាហេតុបង្កជាផលប៉ះពាល់យ៉ាងធំដល់ក្រុមហ៊ុនយើងខ្ញុំ ។ គន្លងមកក្រោមការសហការរបស់ក្រុមហ៊ុនយើងខ្ញុំ និងក្រសួងសាធារណការ និងដឹកជញ្ជូនបានប្រឹងប្រែង និងព្យាយាមដោះស្រាយបញ្ហាដែលបង្កឱ្យមានការស្ទះចរាចរណ៍ក្នុងពេលបង់ប្រាក់ផ្លូវល្បឿនលឿនប្រកបដោយប្រសិទ្ធភាព ដូច្នេះបច្ចុប្បន្នការធ្វើដំណើរនៅលើផ្លូវល្បឿនលឿនមិនមានបញ្ហាការកកស្ទះនោះទេ។ ក្រុមហ៊ុននឹងធ្វើការព្រមានជនមួយចំនួនដែលមានចេតនាចង់ឆ្លៀតឱកាសដើម្បីទាក់ទាញចំណាប់អារម្មណ៍សាធារណៈជន និងក្លែងបន្លំនូវព័ត៌មានមិនពិត ។ ខាងក្រោមនេះ ជាVideoដែលថតចេញពីមជ្ឈមណ្ឌលកាំមេរ៉ាសុវត្ថិភាពផ្លូវល្បឿនលឿន នាវេលាម៉ោង៤：០២ នាទី ទីតំាងចំណុចK178 ។