កិច្ចប្រជុំប្រចាំខែរបស់ក្រុមអាជីវកម្ម នៃក្រុមការងារ ស.ស.យ.ក វិស័យសាធារណការ និងដឹកជញ្ជូន ដើម្បីពិនិត្យវឌ្ឍនភាព បញ្ហាប្រឈមនៃការអនុវត្តការងារកន្លង និងរៀបចំផែនការសកម្មភាពបន្ដ សម្រាប់ឆ្នាំ២០២៣ ភ្នំពេញ៖ ថ្ងៃពុធ ៨រោច ខែកត្តិក ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៦ ខែវិច្ឆិកា ឆ្នាំ២០២២ លោកស្រី កុយ សុដានី អនុប្រធានក្រុមការងារ ស.ស.យ.ក វិស័យសាធារណការ និងដឹកជញ្ជូន និងជាប្រធានក្រុមអាជីវកម្ម នៃក្រុមការងារក្នុងវិស័យ អញ្ជើញដឹកនាំកិច្ចប្រជុំប្រចាំខែរបស់ក្រុមអាជីវកម្ម ដោយមានការចូលរួមពីលោក លោកស្រី អនុប្រធាន សមាជិកអចិន្ត្រៃយ៍ និងសមាជិកនៃក្រុមអាជីវកម្ម សរុបចំនួន៣០រូប។ កិច្ចប្រជុំនេះផ្ដោតសំខាន់លើការត្រួតពិនិត្យវឌ្ឍនភាព បញ្ហាប្រឈមក្នុងការអនុវត្តការងារនាពេលកន្លងមក ព្រមទាំងពិភាក្សាពីការរៀបចំផែនការសកម្មភាពឆ្នាំ២០២៣។ ក្រៅពីនេះ អង្គប្រជុំក៏មានការពិភាក្សាផងដែរអំពីការត្រៀមលក្ខណៈចូលរួមកម្មវិធីតាំងពិព័រណ៌ផលិតផលខ្មែរ នាខែធ្នូ ឆ្នាំ២០២២ ខាងមុខផងដែរ៕