ភ្នំពេញ​៖ ​​នៅ​ថ្ងៃទី​១ ខែ​​វិច្ឆកា​ ឆ្នាំ២០២២ យោងតាម​​ការចេញផ្សាយ​របស់ក្រសួង​សាធារណការ​ និង​ដឹក​ជញ្ជូន​ បាន​ឲ្យ​ដឹង​ថា​៖ ​ផ្លូវល្បឿនលឿន​ ភ្នំពេញ-ក្រុងព្រះសីហនុ​ ចាប់ផ្តើមគិតកម្រៃ ​ពី​ថ្ងៃទី​ 01/11/2022​ វេលា 07:00ព្រឹក​តទៅ​ និងការបង់ប្រាក់នឹងត្រូវធ្វើឡើង​តាមចម្ងាយជាក់ស្តែង។ ​​ដោយឡែកមានប្រភេទ​យានយន្ត​ទាំង​ ៣ប្រភេទ​​ត្រូវបាន​បញ្ចុះ​​តម្លៃមកត្រឹម ៨០%​ រហូតដល់ចុងខែ១០ឆ្នាំ២០២៣។ ភ្នំពេញ​៖ ​​នៅ​ថ្ងៃទី​១ ខែ​​វិច្ឆកា​ ឆ្នាំ២០២២ យោងតាម​​ការចេញផ្សាយ​របស់ក្រសួង​សាធារណការ​ និង​ដឹក​ជញ្ជូន​ បាន​ឲ្យ​ដឹង​ថា​៖ ​ផ្លូវល្បឿនលឿន​ ភ្នំពេញ-ក្រុងព្រះសីហនុ​ ចាប់ផ្តើមគិតកម្រៃ ​ពី​ថ្ងៃទី​ 01/11/2022​ វេលា 07:00ព្រឹក​តទៅ​ និងការបង់ប្រាក់នឹងត្រូវធ្វើឡើង​តាមចម្ងាយជាក់ស្តែង។ ​​ដោយឡែកមានប្រភេទ​យានយន្ត​ទាំង​ ៣ប្រភេទ​​ត្រូវបាន​បញ្ចុះ​​តម្លៃមកត្រឹម ៨០%​ រហូតដល់ចុងខែ១០ឆ្នាំ២០២៣។ ​ចាប់​​​ពី​​​​​​​ក្រសួង​​សាធារណ​ការ​ និង​ដឹក​ជញ្ជូន​បាន​សហការ​គ្នា​​ជាមួយ​​​​នឹង​ក្រុមហ៊ុនសាជីវកម្មស្ពាន និងថ្នល់ចិន(CRBC) បានស​ម្រេ​ច​ចិត្ត​ជា​​ថ្នុង​​​មួយ​​​ ​​​​​​បើ​ក​តេស្ត​សាក​ល្បង​​នូវផ្លូវល្បឿន​​​លឿន​​​ ភ្នំពេញ​-ព្រះ​សីហនុ​​​ ដោយ​ឥ​តគិត​ថ្លៃ​​ ​១​ខែ​​ ​​ចាប់​ពី​ថ្ងៃ​ទី​១ដល់៣១ ​​​ខែតុលា​ ឆ្នាំ២០២២ ដោយ​​ឡែក​​ពេល​នេះផងដែរ​​ ​ចាប់​ពី​ថ្ងៃទី​១ ខែ​​វិច្ឆកា​ ឆ្នាំ២០២២ តទៅ​​​ផ្លូវល្បឿនលឿន​នឹង​ចាប់​ផ្តើម​​​​គិត​កម្រៃ​​វិញ​ហើយ​​ អាស្រ័យ​​លើ​ចម្ងាយ​​ជាក់​ស្តែង​​ដែល​បាន​​ជិះ​​។​ ​​​​​យោងតាម​ប្រភព​ដដែល​ ​ក្រសួង​បាន​ឧទាហរណ៍​ពី​ចម្ងាយ​ “ភ្នំពេញ-ក្រុងព្រះសីហនុ​“ មាន​ប្រវែង​ ១៨៧.៥គ.ម ត្រូវ​បង់​ ១២ដុល្លារ​ ​​ (បានចុះតម្លៃមកត្រឹម 80%រួច) ពោលគឺ​​បាន​បញ្ចុះ​តម្លៃ​​២០% សម្រាប់យានយន្តដែលត្រូវបង់កម្រៃ Type​ “A” ដោ​យគិត​​​តម្លៃ​​​ ០,០៦៤ដុល្លា​​រ​​ក្នុង​ ១គ.ម ​​ខាងក្រោម​​៖ 1. រថយន្តប្រភេទគ្រួសារ​ 7កៅអី ចុះក្រោម​ 2. រថយន្តផ្ទុកទំនិញ​ ក្រោម 2តោន 3. ទោចក្រយានយន្តកម្លាំង​ចាប់ពី 500cc ឬ​ 27kW ឡើង មាន​បិត​ លតាបត្រ​ (ស្ទីគ័រ) សម្គាល់អនុញ្ញាតដោយក្រសួង។ ក្រសួង​បាន​បញ្ជាក់​ទៀត​ថា​ តារាងកម្រៃលម្អិតត្រូវគិតជា​គីឡូម៉ែត​ តាមប្រភេទយានយន្ត​ ដូចមានក្នុងតារាងជូនភ្ជាប់។ តារាងកម្រៃ​ ក៏មានបិតនៅតាមផ្ទាំងព័ត៌មាន ច្រកចេញចូលផ្លូវល្បឿនលឿនផងដែរ ៕