មន្ទីរសាធារណការ និង ដឹកជញ្ជូនខេត្តកណ្ដាល ថ្មីៗនេះ បានជូនដំណឹងស្ដីពីការបិទចរាចរយានយន្តគ្រប់ប្រភេទ នៅចំណុចច្រកចូលក្នុងបរិវេណរៀបចំពិធីបុណ្យអំទូក ក្រុងតាខ្មៅ ខេត្តកណ្តាល នៅថ្ងៃទី ២៩-៣០ ខែតុលា ឆ្នាំ ២០២២ ខាងមុខនេះ។តាមរយៈមន្ទីរបានបញ្ជាក់ឱ្យដឹងថា គណៈកម្មការរៀបចំកម្មវិធីបុណ្យអំទូក ក្រុងតាខ្មៅ ខេត្តកណ្តាល សូមធ្វើការបិទចរាចរយានយន្តគ្រប់ប្រភេទ នៅចំណុចច្រកចូលក្នុងបរិវេណរៀបចំពិធីបុណ្យអំទូក ក្រុងតាខ្មៅ ខេត្តកណ្តាល ចាប់ពីម៉ោង ៦:០០ នាទីព្រឹក ថ្ងៃទី ២៩ ខែតុលា ឆ្នាំ ២០២២ រហូតដល់អធ្រាត្រ ថ្ងៃទី ៣០ ខតុលា ឆ្នាំ ២០២២ ដើម្បីរៀបចំឱ្យមានសណ្តាប់ធ្នាប់ សុវត្ថិភាព ចៀសវាងការកកស្ទះចរាចរ និង សម្រួលដល់ការធ្វើដំណើរ របស់ភ្ញៀវកិត្តិយស បងប្អូនប្រជាពលរដ្ឋ ដែលមកចូលរួមទស្សនាពិធីបុណ្យអំទូក បណ្ដែតប្រទីប ក្រុងតាខ្មៅ ខេត្តកណ្តាល។ដោយឡែក ចំណុចច្រកចូលបរិវេណរៀបចំពិធី ដែលត្រូវបិទចរាចរយានយន្តគ្រប់ប្រភេទមានដូចខាងក្រោម ៖ ១). ចំណុចផ្លូវជាតិលេខ ២១ អា កែងផ្លូវលេខ ១១០ ២). ចំណុចផ្លូវលេខ ១០៩ កែងផ្លូវលេខ ២១០ ៣). ចំណុចផ្លូវលេខ ១០៩ កែងផ្លូវលេខ ២០៩ ៤). ចំណុចផ្លូវលេខ ១០៩ ផ្ទះលោកលឹមធី ៥).​ ចំណុចផ្លូវជាតិលេខ ២១ កែងផ្លូវលេខ ១០៨ ៦).ចំណុចផ្លូវលេខ ២០៧ កែងផ្លូវលេខ ១០៧ ៧).ចំណុចផ្លូវលេខ ២០៧ កែងផ្លូវលេខ ១០៦ ៨).ចំណុចផ្លូវលេខ ២០៧ កែងផ្លូវលេខ ១០៥ ៩).ចំណុចផ្លូវលេខ ២០៧ កែងផ្លូវលេខ ១០៤ ១០).ចំណុចផ្លូវលេខ ២០៧ កែងផ្លូវជាតិលេខ ២១ អា៕ ខាងក្រោមនេះ ជាលិខិតជូនដំណឹងរបស់ មន្ទីរសាធារណការ និងដឹកជញ្ជូនខេត្តកណ្ដាល ៖