សកម្មភាពរបស់ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈក្រុមការងារ ស.ស.យ.ក មន្ទីរសាធារណការ និងដឹកជញ្ជូនខេត្តសៀមរាប ចុះអប់រំផ្សព្វផ្សាយច្បាប់ចរាចរណ៍ផ្លូវគោក ដល់បងប្អូនប្រជាពលរដ្ឋចំនួន១៧០នាក់ នៅក្រុងសៀមរាប សៀមរាប៖ ថ្ងៃចន្ទ ១៤រោច ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៤ ខែតុលា ឆ្នាំ២០២២ ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈ ស.ស.យ.ក មន្ទីរសាធារណការ និងដឹកជញ្ជូនខេត្តសៀមរាប សហការជាមួយ អនុគណៈកម្មការសុវត្ថិភាពចរាចរណ៍ផ្លូវគោកខេត្ត និងមានការចូលរួមពីនគរបាលចរាចរណ៍ បានចុះអប់រំផ្សព្វផ្សាយច្បាប់ លិខិតបទដ្ឋានគតិយុត្តទាក់ទងនឹងច្បាប់ស្តីពីចរាចរណ៍ផ្លូវគោក ជូនដល់បងប្អូនប្រជាពលរដ្ឋប្រមាណ ១៧០នាក់ នៅក្នុងក្រុងសៀមរាប។ ក្នុងនោះផងដែរក្រុមការងារបានចែកជូនឯកសារមួយចំនួនជូនដល់ប្រជាពលរដ្ឋដែលបានចូលរួម មានដូចជា៖ ១. មួកសុវត្ថិភាព ចំនួន២០មួក ២. សៀវភៅច្បាប់ចរាចរណ៍ផ្លូវគោក ចំនួន១២០ក្បាល ៣. សៀវភៅអ្វីដែលអ្នកបើកបរទោចក្រយានយន្តត្រូវយល់ដឹង ចំនួន១២០ក្បាល ៤. សីលធម៌១០ចំណុចសម្រាប់សុវត្ថិភាពចរាចរណ៍ ចំនួន២០០សន្លឹក ៥. ប្រការសំខាន់ៗដែលត្រូវចងចាំចំពោះអ្នកប្រើប្រាស់ផ្លូវ ចំនួន២០០សន្លឹក ៦. ស្ទីកឃ័រចំណាំងផ្លាត ចំនួន១០០សន្លឹក បដារពាក្យស្លោកថ្ងៃនេះថ្ងៃស្អែកកុំឲ្យមានគ្រោះថ្នាក់ចរាចរណ៍ ចំនួន១០ផ្ទាំង៕