នៅរសៀលថ្ងៃទី ០៤ ខែតុលា ឆ្នាំ ២០២២ នេះមន្ទីរសាធារណការ និង ដឹកជញ្ជូនខេត្តព្រះវិហារ បានប្រកាសជូនដំណឹង «ស្ដីពីការផ្អាកចរាចរណ៍ជាបណ្ដោះអាសន្នរថយន្តគ្រប់ប្រភេទនៅលើកំណាត់ផ្លូវជាតិលេខ ៩២ ក្នុងភូមិសាស្រ្តស្រុកជាំក្សាន្ត ខេត្តព្រះវិហារ» ឱ្យប្រជាជនបានដឹងថា ដោយសារតែស្ថានភាពគ្រោះទឹកជំនន់ទឹកភ្លៀងបានបន្តឡើងរហូតដល់កម្រិតប្រកាសអាសន្ន។ សេចក្ដីជូនដំណឹងនេះបានបញ្ជាក់ថា ការផ្អាកចរចារណ៍បណ្ដោះអាសន្ននេះគឺស្ថិតនៅលើកំណាត់ផ្លូវជាតិលេខ ៩២ ដែលចាប់ពីចំណុចគីឡូម៉ែត្រលេខ ១០០ ដល់គីឡូម៉ែត្រលេខ ១០១ ស្ថិតក្នុងឃុំមរកត (ចំណុចក្បាលដំរី) ក្នុងស្រុកជាំក្សាន្ត ខេត្តព្រះវិហារ គិតចាប់ពីថ្ងៃជូនដំណឹងនេះរហូតដល់មានការជូនដំណឹងសាជាថ្មី៕