(ភ្នំពេញ)៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានអបអរសាទរ កីឡាការិនី កាំង មុយនីន ទទួល បានជ័យលាភី មេដាយ ២គ្រឿង មាស ១គ្រឿង លើ ប្រភេទ វិញ្ញាសារ Women 400m Bifins និង សំរឹទ្ធ ១គ្រឿង លើ ប្រភេទ វិញ្ញាសា Women 50m Bifins ក្នុង ការប្រកួត Finswimming’s World Cup Round Swimming Pool 2022 នៅព្រះរាជាណាចក្រថៃ។ សមាគមកីឡាក្រោមទឹកប្រទេសថៃ (Association of Thailand Underwater Sports) បានអញ្ជើញសហព័ន្ធខ្មែរកីឡាហែលទឹក ទៅចូលរួមការប្រកួត Finswimming’s World Cup Round Swimming Pool 2022 ដែលនឹងប្រព្រឹត្តទៅចាប់ពីថ្ងៃទី០១ ដល់ថ្ងៃទី០៥ ខែកញ្ញា ឆ្នាំ២០២២ នៅខេត្តភូកេត ប្រទេសថៃ។ រហូតមកដល់ពេលនេះ ចំនួនមេដាយទាំងអស់ដែល កីឡាការិនី កាំង មុយនីន របស់កម្ពុុជាយើងទទួលបានពីការប្រកួតនេះ គឺមានចំនួន ០៤គ្រឿង រួមមាន មេដាយមាស ៣គ្រឿង និងមេដាយ សំរឹទ្ធ ១គ្រឿងក្នុងការប្រកួត Finswimming’s World Cup Round Swimming Pool 2022 នៅព្រះរាជាណាចក្រថៃ៕