ការរៀបចំគោលការណ៍ណែនាំផ្សេងៗពាក់ព័ន្ធនឹងការគ្រប់គ្រងទឹកកខ្វក់ ត្រូវបានបន្តជួបពិភាក្សា រវាងក្រុមការងារបច្ចេកទេសរបស់ទីភ្នាក់ងារសហប្រតិបត្តិការអន្តរជាតិជប៉ុន (JICA) និងមន្ត្រីជំនាញបច្ចេកទេសអគ្គនាយកដ្ឋានប្រព័ន្ធចម្រោះទឹកកខ្វក់ ថ្ងៃពុធ ៧រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២០ ខែកក្កដា ឆ្នាំ២០២២ នៅទីស្តីការក្រសួង ឯកឧត្តម សួន ភារិទ្ធ អគ្គនាយកនៃអគ្គនាយកដ្ឋានប្រព័ន្ធចម្រោះទឹកកខ្វក់ ក្រសួងសាធារណការ និងដឹកជញ្ជូន បានអញ្ជើញជួបពិភាក្សាការងារជាមួយក្រុមការងារបច្ចេកទេសរបស់ទីភ្នាក់ងារសហប្រតិបត្តិការអន្តរជាតិជប៉ុន(JICA) ដើម្បីបន្តពិភាក្សាអំពីការរៀបចំគោលការណ៍ណែនាំផ្សេងៗពាក់ព័ន្ធនឹងការគ្រប់គ្រងទឹកកខ្វក់ ដោយមានការចូលរួមពីមន្ត្រីជំនាញបច្ចេកទេស និងភាគីពាក់ព័ន្ធ។ អង្គប្រជុំបានបន្តពិភាក្សាលើ ១) បច្ចេកទេសនៃការប្រើប្រាស់ម៉ាស៊ីនបូមទឹកកខ្វក់ ២) វិធានការណ៍ថែទាំលើម៉ាស៊ីនបូមទឹកកខ្វក់ ៣) បច្ចេកទេសនៃការប្រើប្រាស់ម៉ាស៊ីនភ្លើងនៅតាមស្ថានីយបូម ៤) ការតភ្ជាប់ថាមពលចរន្តភ្លើងទៅនឹងឧបករណ៍ប្រើប្រាស់ផ្សេងៗដែលមាននៅក្នុងស្ថានីយបូម៕