ឯកឧត្តមរដ្ឋលេខាធិការ រស់ វណ្ណា ជួបសំណេះសំណាលជាមួយមន្ត្រីរាជការនៃអគ្គនាយកដ្ឋានប្រព័ន្ធចម្រោះទឹកកខ្វក់ ក្រោយពេលឯកឧត្តមទេសរដ្ឋមន្ត្រី ស៊ុន ចាន់ថុល បានប្រគល់ភារកិច្ចបន្ថែមលើការងារគ្រប់គ្រងប្រព័ន្ធចម្រោះទឹកកខ្វក់ ថ្ងៃចន្ទ ៥រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៨ ខែកក្កដា ឆ្នាំ២០២២ នៅទីស្តីការក្រសួង ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានជួបសំណេះសំណាលជាមួយមន្ត្រីរាជការនៃអគ្គនាយកដ្ឋានប្រព័ន្ធចម្រោះទឹកកខ្វក់ ដោយមានការចូលរួមពីថ្នាក់ដឹកនាំក្រសួង និងថ្នាក់ដឹកនាំនៃអគ្គនាយកដ្ឋានប្រព័ន្ធចម្រោះទឹកកខ្វក់។ ជំនួបនេះបានធ្វើឡើងបន្ទាប់ពីឯកឧត្តមរដ្ឋលេខាធិការ ត្រូវបានឯកឧត្តមទេសរដ្ឋមន្ត្រី ស៊ុន ចាន់ថុល ប្រគល់ភារកិច្ចបន្ថែមលើការងារគ្រប់គ្រងប្រព័ន្ធចម្រោះទឹកកខ្វក់។ ឆ្លៀតក្នុងឱកាសនោះ ឯកឧត្តម រដ្ឋលេខាធិការ បានពិភាក្សាលើការងារសំខាន់ៗដែលពាក់ព័ន្ធនឹងវិស័យប្រព័ន្ធចម្រោះទឹកកខ្វក់ផងដែរ៕