សិស្សានុសិស្សប្រមាណ ២០០ នាក់ បានចូលរួមកម្មវិធីអប់រំផ្សព្វផ្សាយច្បាប់ស្តីពីចរាចរណ៍ផ្លូវគោក រៀបចំដោយក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈ ស.ស.យ.ក មន្ទីរសាធារណការ និងដឹកជញ្ជូន ខេត្តសៀមរាប សៀមរាប៖ ថ្ងៃសុក្រ ២រោច ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី១៥ ខែកក្កដា ឆ្នាំ២០២២ ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈសមាជិក ស.ស.យ.ក មន្ទីរសាធារណការ និងដឹកជញ្ជូនខេត្តសៀមរាប សហការជាមួយស្នងការដ្ឋាននគរបាលខេត្ត និងសមត្ថកិច្ចពាក់ព័ន្ធបានចុះផ្សព្វផ្សាយ អប់រំច្បាប់ស្តីពីចរាចរណ៍ផ្លូវគោក ដល់សិស្សានុសិស្ស ចំនួន២០០នាក់ នៅវិទ្យាល័យដំដែក នៃស្រុកសូទ្រនិគម ក្នុងនោះដែរក្រុមការងារក៏មានការចែកជូនមួកសុវត្ថិភាព និងឯកសារដូចជា៖ - សៀវភៅអ្វីដែលអ្នកបើកបរម៉ូតូត្រូវយល់ដឹង ចំនួន200ក្បាល - ឯកសារជំនួយស្មារតីអ្នកបើកបរ ចំនួន200សន្លឹក - ខិត្តប័ណ្ណអប់រំពីច្បាប់ចរាចរណ៍ ចំនួន200សន្លឹក - ប្រតិទិន សញ្ញាចរាចរណ៍ ចំនួន2ក្បាល - ចំណាំងផ្លាតថ្ងៃនេះថ្ងៃស្អែកកុំឲ្យមានគ្រោះថ្នាក់ចរាចរណ៍ ចំនួន10ផ្ទាំង -សៀវភៅច្បាប់ចរាចរណ៍ ចំនួន200ក្បាល - ផ្ទាំងថ្មើជើងឆ្លងកាត់ ចំនួន10ផ្ទាំង និងផ្ទាំងសញ្ញាចរាចរណ៍ ចំនួន10ផងដែរ៕