កិច្ចប្រជុំអន្តរក្រសួងបន្តស្តីពីសេចក្តីព្រាងអនុក្រឹត្យទាក់ទងនឹងប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI) បានពិនិត្យពិភាក្សា និងសម្រេចលើផ្នែកទី៣ ស្តីពីលក្ខខណ្ឌនៃការស្នើសុំធ្វើបែបបទនាវាចូលចេញ ត្រង់មាត្រា១៤ មាត្រា១៥ មាត្រា១៦ មាត្រា១៧ និងផ្នែកទី៤ស្តីពីកម្រៃសេវាសាធារណៈត្រង់ មាត្រា១៨ នៃជំពូកទី៤ ស្តីពីលក្ខខណ្ឌបែបបទ និងនីតិវិធីនៃការស្នើសុំនាវាចូលចេញ ថ្ងៃចន្ទ ៦កើត ខែអាសាឍ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី០៤ ខែកក្កដា ឆ្នាំ២០២២ នៅ ទីស្តីការក្រសួង ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញ ដឹកនាំកិច្ចប្រជុំអន្តរក្រសួងបន្តស្តីពីសេចក្តីព្រាងអនុក្រឹត្យទាក់ទងនឹងប្រព័ន្ធផ្លាស់ប្តូរទិន្នន័យអេឡិចត្រូនិកកំពង់ផែ (Port EDI)។ សមាសភាពអញ្ជើញចូលរួមកិច្ចប្រជុំនេះរួមមាន៖ ថ្នាក់ដឹកនាំក្រសួង ឯកឧត្តម ម៉ក់ ស៊ីដេត អគ្គនាយក នៃអគ្គនាយកដ្ឋានដឹកជញ្ជូនផ្លូវទឹក ផ្លូវសមុទ្រ និងកំពង់ផែ អគ្គនាយករងរដ្ឋបាល និងហរិញ្ញវត្ថុ អគ្គ នាយករងផែនការ និងគោលនយោបាយ ប្រធាននាយកដ្ឋាននាវាជំនួញសមុទ្រ និងមន្ត្រីតំណាង នាយកដ្ឋាននីតិកម្ម តំណាងនាយកដ្ឋានព័ត៌មានវិទ្យា និងទំនាក់ទំនងសាធារណៈ តំណាងនាយកដ្ឋានរដ្ឋបាលកំពង់ផែ តំណាងអគ្គនាយកដ្ឋានអនោ្តប្រវេសន៍ តំណាងអគ្គនាយកដ្ឋានគយ និងរដ្ឋាករកម្ពុជា តំណាងអគ្គនាយកដ្ឋានបច្ចេកទេសសុខាភិបាល និងតំណាងកំពង់ផែស្វយ័តក្រុងព្រះសីហនុ និងមន្ត្រី ជំនាញពាក់ព័ន្ធក្រោមឱវាទក្រសួងផងដែរ។ ជាលទ្ធផល អង្គប្រជុំបានបន្តពិនិត្យពិភាក្សា និងសម្រេចលើផ្នែកទី៣ ស្តីពីលក្ខខណ្ឌនៃការស្នើសុំធ្វើ បែបបទនាវាចូលចេញ ត្រង់មាត្រា១៤ មាត្រា១៥ មាត្រា១៦ មាត្រា១៧ និងផ្នែកទី៤ស្តីពីកម្រៃសេវា សាធារណៈត្រង់មាត្រា១៨ នៃជំពូកទី៤ ស្តីពីលក្ខខណ្ឌបែបបទ និងនីតិវិធីនៃការស្នើសុំនាវាចូលចេញ៕