ឯកឧត្តមអគ្គនាយក សួន ភារិទ្ធ ដឹកនាំមន្ត្រីបច្ចេកទេសចំណុះឱ្យអគ្គនាយកដ្ឋានប្រព័ន្ធចម្រោះទឹកកខ្វក់ បន្តចុះពិនិត្យការងារពាក់ព័ន្ធនឹងហេដ្ឋារចនាសម្ព័ន្ធប្រព័ន្ធចម្រោះទឹកកខ្វក់ និងប្រព័ន្ធលូ ព្រះសីហនុ៖ ថ្ងៃអង្គារ ៧រោច ខែជេស្ឋ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២១ ខែមិថុនា ឆ្នាំ២០២២ ឯកឧត្តម សួន ភារិទ្ធ អគ្គនាយកនៃអគ្គនាយកដ្ឋានប្រព័ន្ធចម្រោះទឹកកខ្វក់ ក្រសួងសាធារណការ និងដឹកជញ្ជូន បានអញ្ជើញដឹកនាំមន្ត្រីបច្ចេកទេសក្រោមឱវាទបន្តចុះពិនិត្យការងារពាក់ព័ន្ធនឹងហេដ្ឋារចនាសម្ព័ន្ធប្រព័ន្ធចម្រោះទឹកកខ្វក់ និងប្រព័ន្ធលូ ស្ថិតក្នុងភូមិសាស្ត្រខេត្តព្រះសីហនុ ក្នុងគោលបំណងដើម្បីពិនិត្យពិភាក្សាពីវឌ្ឍនភាពការងារគម្រោង និងពិភាក្សាពីការត្រៀមរៀបចំគម្រោងផែនការបីឆ្នាំរំកិល ២០២៣-២០២៥ ព្រមទាំងបញ្ហាប្រឈមផ្សេងៗរបស់មន្ទីរសាធារណការ និងដឹកជញ្ជូនខេត្តព្រះសីហនុ៕