ភ្នំពេញ៖ បងប្រុសបង្កើតរបស់នាយករដ្ឋមន្ត្រីកម្ពុជា សម្តេចតេជោ ហ៊ុន សែន លោក ហ៊ុន សាន ត្រូវបានព្ររាជក្រឹត្យតែងតាំងជារដ្ឋលេខាធិការក្រសួងសាធារណការ និងដឹកជញ្ជូន។ នៅក្នុងព្រះរាជក្រឹត្យ ចុះហត្ថលេខាដោយ ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី លោក ប៊ិន ឈិន ចុះនៅថ្ងៃទី ១៤ ខែមិថុនា ឆ្នាំ ២០២២ នេះ លោក ហ៊ុន សាន ត្រូវបានតែងតាំងជា រដ្ឋលេខាធិការចាប់ពីថ្ងៃឡាយព្រះហស្តលេខាតទៅ៕ បងប្អូនរបស់សម្ដេចតេជោ ហ៊ុន សែន មានចំនួន ៦នាក់ ដែលមានទី១ លោក ហ៊ុន សាន ទី២ សម្ដេចទេពញាណ ហ៊ុន ណេង ទី៣ សម្ដេចតេជោ ហ៊ុន សែន ទី៤ លោកស្រី ហ៊ុន សេងនី ទី៥ លោកស្រី ហ៊ុន ស៊ីណាត និងប្អូនស្រីពៅ លោកស្រី ហ៊ុន ប៊ុនធឿន៕