សមត្ថកិច្ចខេត្តកំពង់ស្ពឺ៖ ឧបករណ៍ម៉ាស៊ីនសម្រាប់ការផាកពិន័យ និងដកពិន្ទុលើប័ណ្ណបើកបរ ត្រូវបានចែកផ្ដល់ជូនផ្នែកចរាចរណ៍ នៅតាមបណ្ដាអធិការក្រុង/ស្រុក នៅថ្ងៃអង្គារ ទី១៧ ខែឧសភា ឆ្នាំ២០២២ នៅស្នងការដ្ឋាននគរបាលខេត្ដកំពង់ស្ពឺ លោកវរសេនីយ៍ទោ ទុន ពិសី នាយរងការិយាល័យចរាចរណ៍ផ្លូវគោក តំណាងលោកស្នងការរង បានផ្ដល់ជូនម៉ាស៊ីនផាកពិន័យនិងដកពិន្ទុបណ្ណបើកបរ ជូនដល់ផ្នែកសណ្ដាប់ធ្នាប់ ក្រុងស្រុកទាំង០៨ ក្នុង ០១ក្រុង/ស្រុក ចំនួន ០១គ្រឿង ដើម្បីយកទៅទុកប្រើប្រាស់ក្នុងពេលអនុវត្តច្បាប់ស្ដីពីចរាចរណ៍ផ្លូវគោក។ ជាទូទៅការអនុវត្តនូវវិធានការនានា ដែលបានកំពុងអនុវត្តដោយមន្រ្ដីនគរបាលចរាចរណ៍ផ្លូវគោក គឺជាការពង្រឹងវិធានការច្បាប់ ។ រួមចំណែកកាត់បន្ថយបានគ្រោះថ្នាក់ចរាចរណ៍ និងការលើកកម្ពស់សមត្ថភាពរបស់អ្នកប្រើប្រាស់ផ្លូវអោយមានការទទួលខុសត្រូវនិងជៀសវាងបានការកើតឡើងគ្រោះថ្នាក់ជាយថាហេតុ៕ រូបភាព៖ ស្នងការដ្ឋាននគរបាលខេត្តកំពង់ស្ពឺ