លិខិតបំភ្លឺ មន្ទីរសាធារណការ និងដឹកជញ្ជូនខេត្តកំពង់ស្ពឺ សូមបំភ្លឺជូន ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី សាធារណជន បងប្អូនប្រជាពលរដ្ឋ និងបណ្ដាញសារព័ត៌មានទាំងអស់មេតា្តជ្រាបថាៈ កាលពីថ្ងៃទី០៧ ខែឧសភា ឆ្នាំ២០២២ អង្គភាពសារព័ត៌មាន GNtimes បានចុះផ្សាយនៅលើបណ្តាញសង្គម (Facebook) ថា" ប្រធានមន្ទីរសាធារណការ និងដឹកជញ្ជូនខេត្តកំពង់ស្ពឺ កំពុងទទួលការរិះគន់ពីប្រជាពលរដ្ឋពាក់ព័ន្ធភាពអសកម្មការងារដោយទុកឱ្យផ្លូវជាច្រើនខ្សែបានរងការខូចខាតមិនព្រមជួសជុល ពិសេសផ្លូវជាតិលេខ៤ និងផ្លូវជាតិលេខ៤១ " មន្ទីរសាធារណការ និងដឹកជញ្ជូនខេត្តកំពង់ស្ពឺ សូមធ្វើការបកស្រាយបំភ្លឺជូនដូចខាងក្រោមៈ ១.កំណាត់ផ្លូវជាតិលេខ៤ ចាប់ពីថ្ងៃទៅ០១ ខែមករា ឆ្នាំ២០២២មក ខ្សែផ្លូវនេះស្ថិតក្នងគម្រោងជួសជុល ពង្រីកស្តារឡើងវិញ ក្រោមហិរញ្ញប្បទានធនាគាពិភពលោក (World Bank) បច្ចុប្បន្នការដ្ឋានកំពូងដំណើរការហើយ ការងារជួសជុល ថែទាំ ជាភារកិច្ចរបស់ក្រុមហ៊ុនដេញថ្លៃបាន។ ២.កំណាត់ផ្លូវជាតិលេខ៤១ ខ្សែផ្លូវនេះស្ថិតក្នុងគម្រោងធ្វើឱ្យប្រសើរឡើងវិញ ក្រោមហិរញ្ញប្បទានសហប្រតិបត្តិការពីសាធារណរដ្ឋប្រជាមានិតចិន ហើយក្រុមហ៊ុនដេញថ្លៃបាន (CRBC) បានសន្យាថានឹងចុះជួសជុល ឆាប់ៗខាងមុខនេះ ហើយគ្រោងនឹងបើកការដ្ឋាននៅពេលវេលាសមស្របណាមួយ។ ដូចនេះមន្ទីរសាធារណការ និងដឹកជញ្ជូនខេត្តកំពង់ស្ពឺ សូម ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី សាធារណជន បងប្អូនប្រជាពល និងលោកនាយកអង្គភាពសារព័ត៌មាន GNtimes មេតា្តជ្រាប និងសូមលោកនាយកសារព័ត៌មាន ធ្វើការកែតម្រូវនូវខ្លឹមសារដែលបានចុះផ្សាយការលពីថ្ងៃទី០៧ ខែឧសភា ឆ្នាំ២០២២ តាមការគួរ។ សូមអរគុណ