ភ្នំពេញ៖ក្រសួងសាធារណៈការ កំពុងសិក្សាលើគម្រោងជីកព្រែក ជិត១៧០គីឡូម៉ែត្រភ្ជាប់ទៅសមុទ្រកែប ដើម្បីបើក តាមទឹកពីដងទន្លេនានា ទៅកាន់សមុទ្រដែលយើងចង់ បានតាមទឹកឲ្យអស់លទ្ធភាពដែលកម្ពុជាមានសក្ដានុពលទឹក ជាច្រើនយើងនៅមិនទាន់បានប្រើប្រាស់។ នេះជាការលើកឡើងរបស់លោក ទេសរដ្ឋមន្ត្រីរដ្ឋមន្ត្រីក្រសួង សាធារណៈការ ខណៈដែលលោកដឹកនាំមន្ត្រីជំនាញចុះទៅពិនិត្យវឌ្ឍនៈភាពនៃការសាងសង់រណបពហុបំណង(TS11)ចំណុះឧិ្យស្វយ័តភ្នំពេញនាព្រឹកថ្ងៃទី២៥មេសា ស្ថិតនៅប្របទន្លេសាបសង្កាត់គីឡូម៉ែត្រ លេខ៦ ខណ្ឌឬស្សីកែវ។ លោក មានប្រសាសន៏ថា៖យើងចង់បានតាមទឹកឲ្យបានច្រើន និងសម្បូរបែបដែលទឹកនេះនឹងកាត់បន្ថយការស្ទះចរាចរ,កាត់បន្ថយការ ចំណេញពេលវេលា និង ចំងាយ ចំណេញថវិកា។ លោកទេសរដ្ឋមន្ត្រីបញ្ជាក់ថា៖ យើងមានលទ្ធភាពប្រើប្រាស់ទឹកទន្លេមេគង្គទាំង និងការប្រើប្រាស់ ក៏ដូចជាការស្រោចស្រពផលដំណាំផងដែរ។លោក បន្ថែមថា៖នៅមានរណបចំនួន៧កន្លែងរួមមាន៖TS11, កោះរកា,ព្រែកតាម៉ាក់,កំពង់ឆ្នាំង,ឆ្លូង,ទន្លេបិទ,និងចំណតផែកុងតឺន័រ(LM17)។តាមការសិក្សាជំហ៊ានដំបូងបានឲ្យដឹងថា៖ក្រសួងសាធារណៈការ នឹងជីកព្រែកថ្មីមួយខ្សែប្រវែងពី៦ ទៅ៧ម៉ែត្រទៅកាន់កែបផងដែរ លើប្រវែងសរុប១៦៨គីឡូម៉ែត្រពីព្រែក អំបិលទៅកែប។ ជាមួយគ្នានោះលោកសៅ សាវ័ន្ត នាយកក្រុមហ៊ុន(PTLS)បានឲ្យដឹងថា៖នេះ ជាចរន្តដឹកជញ្ជូនទំនិញយ៉ាងសំខាន់ ក្នុងការប្រមូលនិងទំនិញក្នុងនិងក្រៅស្រុក ព្រោះនេះជាចំណុចបេះដូងនៃប្រទេស។ លោកបន្តថា៖កំពុងផែនេះស្ថាបនាបានប្រមាណ៨០%ហើយដោយគ្រោងនិង បើកសម្ពោធដាក់ឲ្យប្រើប្រាស់ជាការនៅដើមខែកក្កដា ឆ្នាំ២០២២ខាងមុខនេះ ដែលនេះជាកិច្ចសហការរវាងរាជរដ្ឋាភិបាល និងវិស័យឯកជនដែលរដ្ឋមានទីតាំង ឯកជនមានថវិកាចូលរួមអភិវឌ្ឍន៏សេដ្ឋកិច្ចជាតិ៕