ភ្នំពេញ ៖ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹក ជញ្ជូន បានអញ្ជើញជាអធិបតីក្នុងពិធីបិទវគ្គបណ្តុះបណ្តាលស្តីពីទ្រឹស្តី Six Sigma ដើម្បីពង្រឹងសមត្ថភាពដឹកនាំគ្រប់ គ្រងស្ថាប័ន/អង្គភាព និងបង្កើនជំនាញដោះស្រាយបញ្ហារបស់មន្ត្រីនៅតាមអង្គ ភាពនីមួយៗ។ ថ្លែងក្នុងពិធីបិទវគ្គបណ្តុះ បណ្តាលនេះ ឯកឧត្តមទេសរដ្ឋមន្ត្រី បានមានប្រសាសន៍ ថ្លែងអំណរគុណយ៉ាងជ្រាល ជ្រៅដល់ឯកឧត្តម រស់ វណ្ណា រដ្ឋលេខាធិការក្រសួងសាធារ ណការ និងដឹកជញ្ជូន និងជាគ្រូឧទ្ទេសដែលបានផ្ដល់ការបណ្ដុះបណ្ដាលដល់សិក្ខាកាមជាថ្នាក់ដឹកនាំក្រសួងចាប់ពីប្រធាននាយកដ្ឋានរហូតដល់ថ្នាក់រដ្ឋលេខាធិការ និងសិក្ខា កាមជាថ្នាក់អនុប្រធានមន្ទីរសាធារណការ និងដឹកជញ្ជូនទាំង២៥រាជធានី-ខេត្ត និងអនុប្រធាននាយកដ្ឋាន និងបានថ្លែងអំណរគុណផងដែរដល់វិទ្យាស្ថានតេជោសែន សាធារណការ និងដឹកជញ្ជូន ដែលបានរៀបចំវគ្គបណ្តុះ បណ្តាលនេះប្រកបដោយជោគជ័យ។ ឯកឧត្តមទេសរដ្ឋមន្ត្រី បានសំដែងនូវការគាំទ្រឱ្យមានការរៀបចំវគ្គបណ្ដុះបណ្ដាលបែប នេះបន្តទៀត ដើម្បីជាផល ប្រយោជន៍ដល់ការពង្រឹងសមត្ថភាពរបស់មន្ត្រីជំនាញបច្ចេកទេសរបស់ក្រសួង ឱ្យកាន់តែទូលំទូលាយ និងបានផ្ដាំផ្ញើសុំឱ្យសិក្ខាកាមទាំងអស់យកចំណេះដឹង និងទ្រឹស្ដីនៃការបណ្ដុះបណ្ដាលទៅបំពេញ ការងាររបស់ខ្លួនឱ្យមានគុណភាព និងប្រសិទ្ធភាពខ្ពស់ទៅថ្ងៃអនាគត ក៏ដូចជាយកទៅប្រើប្រាស់ដើម្បីបានជាគុណ ប្រយោជន៍សម្រាប់ការបម្រើសេវាសាធារណៈជូនបងប្អូនប្រជាពលរដ្ឋផងដែរ។ សូមបញ្ជាក់ថា វគ្គបណ្ដុះ បណ្ដាលនេះរៀបចំឡើងដោយវិទ្យាស្ថានតេជោ សែន សាធារណការ និងដឹកជញ្ជូន ក្នុងគោលបំណងពង្រឹងប្រសិទ្ធភាពលើការងារដឹកនាំគ្រប់គ្រងស្ថាប័ន/អង្គភាព បង្កើនសមត្ថភាពលើការងារដឹកនាំ និងគ្រប់គ្រងស្ថាប័ន បង្កើនប្រាក់ចំណូល និងប្រាក់ ចំណេញ កាត់បន្ថយពេល វេលា និង កាត់បន្ថយការចំណាយដើមទុន ធ្វើឱ្យការពេញចិត្តរបស់អតិថិជនកាន់ តែប្រសើរឡើង បង្កើនជំនាញដោះស្រាយបញ្ហារបស់មន្ត្រីនៅតាមអង្គភាពនីមួយៗឱ្យកាន់តែប្រសើរឡើង។ ចំណេះដឹងទទួលបានពីវគ្គបណ្តុះបណ្តាលទាំងពីរនេះគឺជាចំណេះដឹងថ្មីមួយ និងមានសារសំខាន់សម្រាប់បំពេញបន្ថែម ពង្រឹងប្រសិទ្ធ ភាពការងារដឹកនាំគ្រប់គ្រងស្ថាប័ន ឬអង្គភាព បង្កើនសមត្ថភាពលើការងារដឹកនាំ គ្រប់គ្រង កាត់បន្ថយពេល វេលា កាត់បន្ថយការចំណាយ និងបង្កើនជំនាញដោះស្រាយបញ្ហារបស់មន្រ្តី នៅតាមអង្គភាពនីមួយៗឱ្យកាន់តែមានភាពប្រសើរឡើងថែមទៀត៕