MC:មន្ទីរសាធារណការខេត្តរតនៈគិរីបញ្ជាក់ថា ខេត្តរតនៈគិរីមានរចនាសម្ព័ន្ធផ្លូវស្អាតតំាងពីទីប្រជុំជនដល់ជនបទ ក្រោមការយកចិត្តទុកដាក់ពីប្រមុខរាជរដ្ឋាភិបាល ដែលតែងតែផ្តល់កញ្ចប់ថវិកាមកថ្នាក់ក្រោមជាតិ ក្នុងការអភិវឌ្ឍខេត្តឱ្យមានការរីកចម្រើនឥតឈប់ឈរ។ អ្នកយកព័ត៌មានយើងធ្វើសេចក្តីរាយការណ៍បន្ថែម….. លោក សាយ សាមាន ប្រធានមន្ទីរសាធារណការ និងដឹកជញ្ជូនខេត្តរតនគិរី បានឲ្យ ដឹងថា ដើម្បីបំពេញតម្រូវការនៃការធ្វើដំណើរ ដឹកជញ្ជូន របស់ប្រជាពលរដ្ឋ ក្នុងនោះការតភ្ជាប់ខេត្តរតនគិរី ទៅបណ្តាខេត្តដទៃទៀត ក៏ដូចជាប្រទេសជាប់ព្រំដែន មន្ទីរសាធារណការខេត្ដ ក៏បានកែលម្អផ្លូវថ្នល់គ្រប់ទីកន្លែង ចាប់ ពីទីប្រជុំជនរហូតដល់តំបន់ដាច់ស្រយាល ក្នុងនេះដែរ ផ្លូវថ្នល់ក្នុងខេត្ត ស្រុក ក៏ដូច គ្នា និងផ្លូវជាតិបានធ្វើសាជាថ្មី ជាមួយនឹងការក្រាលកៅស៊ូ ស្របតាមលក្ខណៈបច្ចេក ទេស បទដ្ឋាន ស្តង់ដារអន្តរ ជាតិ ដើម្បីធានាបាននូវការដឹកជញ្ជូន ការចរាចរណ៍ជា ប្រចាំថ្ងៃរបស់ប្រជាពលរដ្ឋ ។ លោកបន្តថា សម្រាប់ខេត្ត រតនគិរីមានស្រុកទាំងអស់ចំនួន៩ស្រុក មានផ្លូវក្រាលកៅស៊ូចំនួន៧ហើយ នៅសល់ ២ស្រុកទៀត កំពុងធ្វើការជួស ជុលនិងកែលម្អបន្ថែម។ សំឡេង៖ " ចំពោះបងប្អូនប្រជាពលរដ្ឋ នៅក្នុងទូទាំងខេត្តរតនៈគិរីទាំងមូល រហូត ដល់ពេលនេះ គឺមានការសប្បាយត្រេកអរ និងសមិទ្ធ ផលដែលសង្គមជាតិយើង កំពុងតែអភិវឌ្ឍន៍ជាពិសេសក្រោមការដឹកនាំដ៏ត្រឹមត្រូវ ប្រកបដោយគតិបណ្ឌិត របស់សម្តេចតេជោនាយករដ្ឋមន្ត្រី នៃព្រះរាជាណាចក្រកម្ពុជា ដែលលោកតែងតែគិតគូរអំពីសេវាការដឹកជញ្ជូន ការកសាងហេដ្ឋារចនាសម្ព័ន្ធ ដូចពាក្យថា មានផ្លូវគឺមានសង្ឃឹម ហើយក្នុងនោះ គឺបងប្អូនប្រជា ពលរដ្ឋនៅទូទាំងខេត្តរតនគិរី គឺមានអំណរសាទរណាស់ ចំពោះសមិទ្ធផល ជាពិសេសគឺការតភ្ជាប់ពីតំបន់ដាច់ស្រ យាលទៅតំបន់ទីក្រុងឱ្យកាន់ តែកៀកកិត ដើម្បីបង្កើននូវសេវាឱ្យខិតជិតជូនប្រជាពល រដ្ឋ ហើយដើម្បីចូលរួមចំណែក នៅក្នុងយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាល ដើម្បីកាត់បន្ថយភាពក្រីក្រ ស្រប តាមយុទ្ធសាស្រ្តចតុកោណ និងចក្ខុវិស័យរបស់រាជរដ្ឋាភិបាល" ។ លោកបញ្ជាក់ថា ដើម្បីឱ្យផ្លូវថ្នល់នៅតែមានភាពស្អាត បម្រើដល់ការដឹកជញ្ជូន និងការធ្វើដំណើរផ្សេងៗរបស់ប្រជាពលរដ្ឋ នោះ មន្ទីរសាធារណការ និងដឹកជញ្ជូនខេត្តរតនគីរី មានចក្ខុវិស័យលើការពង្រឹងនូវហេដ្ឋារចនាសម្ព័ន្ធ រូបវន្ត និងវិធានការដ៏ម៉ឺងម៉ាត់លើការថែទាំផ្លូវថ្នល់ ឱ្យមាននិរន្តរភាព និងអភិវឌ្ឍផ្លូវជុំវិញខេត្តបន្ថែមទៀត៕