[Rasmei Kampuchea Daily News] - នៅភ្នំពេញ កន្លែងឆៀករថយន្ត មានចំនួន ៧ ទីតាំង និងនៅទីរួមខេត្ត ចំនួន ១២
ដោយៈ សុផល / ភ្នំពេញ៖ រហូតមកដល់ពេលនេះ កម្ពុជា មានទីតាំងរថយន្ត ឬ កន្លែងពិនិត្យ លក្ខណៈបច្ចេកទេស យានយន្ត ចំនួន ១៩ កន្លែង ដែលក្នុងនោះ នៅរាជធានី ភ្នំពេញ មានចំនួន ៧ ទីតាំង និងនៅតាមទីរួមខេត្ត ចំនួន ១២ ទីតាំង។ ជាងនេះទៅទៀត មានចល័ត បម្រើសេវានៅតាមគ្រប់ខេត្ត ទូទាំងប្រទេស។
នេះបើតាមការឱ្យដឹងរបស់លោក ទេសរដ្ឋមន្ត្រី រដ្ឋមន្ត្រីក្រសួងសាធារណការ និងដឹកជញ្ជូន នៅក្នុងពិធីសម្ពោធ ដាក់ឱ្យដំណើរការជាការ មជ្ឈមណ្ឌលត្រួតពិនិត្យ លក្ខណៈបច្ចេកទេសយានជំនិះ () សាខាពោធិ៍សែនជ័យ-អូរដឹម កាលពីព្រឹក ថ្ងៃទី២៨ ខែមីនា ឆ្នាំ២០២២។
ការត្រួតពិនិត្យលក្ខណៈបច្ចេកទេសយានយន្ត ផ្តល់សារសំខាន់ ដល់ការធានាបាននូវ សុវត្ថិភាព របស់យានយន្ត ពេលធ្វើចរាចរណ៍ នៅលើដង ចូលរួមក្នុងការកាត់បន្ថយ គ្រោះថ្នាក់ចរាចរណ៍ ដែលបង្កឡើង ដោយកត្តាយានយន្ត។
តាមការសិក្សាស្រាវជ្រាវ បានបង្ហាញថា កត្តាដែលបណ្តាលឱ្យមានគ្រោះថ្នាក់ចរាចរណ៍ មានកត្តាធំៗ ចំនួន៣ គឺ៖ (១) កត្តាមនុស្ស ៩៦% (២) កត្តាយានយន្ត ៣,៥% និង (៣) កត្តាថ្នល់ និងអាកាសធាតុ ០,៥%។
លោកទេសរដ្ឋមន្ត្រី បានគូសបញ្ជាក់ ពីសារសំខាន់ នៃការត្រួតពិនិត្យលក្ខណៈបច្ចេកទេស យានជំនិះ និងបទប្បញ្ញត្តិច្បាប់ ដែលតម្រូវឱ្យមានការត្រួតពិនិត្យ លក្ខណៈបច្ចេកទេស យានជំនិះមិនស្របតាមស្តង់ដា លក្ខណៈបច្ចេកទេស អាចបង្កគ្រោះថ្នាក់ចរាចរណ៍ តាមដង និងបានបញ្ជាក់ថាៈ គ្រោះថ្នាក់ចរាចរណ៍ សព្វថ្ងៃ កើតឡើងចេញពីកត្តាយានជំនិះ មានប្រមាណ ៣,៥% ដោយសារការមិនបាន យកយានជំនិះ ទៅត្រួតពិនិត្យលក្ខណៈ បច្ចេកទេស ឱ្យបានត្រឹមត្រូវ និងទៀងទាត់៕/V
