ខេត្តព្រះវិហារ៖ ក្រុមការងារមន្ទីរសាធារណការ​ និងដឹកជញ្ជូនខេត្តព្រះវិហារ​ ចំនួន​ ០៤រូប សហការជាមួយ​ អាជ្ញាធរស្រុកឆែប​ នគរបាលចរាចរណ៍​ស្រុក​ ស.ស.យ.កស្រុ​ក កាលពីថ្ងៃទី០៣ ខែកុម្ភៈ ឆ្នាំ២០២២នេះ​ បានចុះ​​ផ្សព្វផ្សាយអំពីសុវត្ថិភាពចរាចរណ៍​ និងបិទស្ទីកឃ័រចំណាំងផ្លាតលេីគោយន្តកន្ត្រៃ​ ចំនួន​ ២១៥គ្រឿង​ ក្នុងឃុំចំនួន ០២ឃុំ​ ស្រុកឆែប​​ ដេីម្បីការពារករណីគ្រោះថ្នាក់ចរាចរណ៍។ លោក​ សំ​ លាងទ្រី​ ប្រធានមន្ទីរសាធារណការនិងដឹកជញ្ជូនខេត្តព្រះវិហារ​ បានមានប្រសាសន៍អោយដឹងថា៖ នៅថ្ងៃទី០៣ ខែកុម្ភៈ ឆ្នាំ២០២២នេះ​ បានចុះ​​ផ្សព្វផ្សាយអំពីសុវត្ថិភាពចរាចរណ៍​ និងបិទស្ទីកឃ័រចំណាំងផ្លាតលេីគោយន្តកន្ត្រៃ​ ចំនួន​ ២១៥គ្រឿង​ ក្នុងឃុំចំនួន ០២ឃុំ​ ដែលមានប្រជាពលរដ្ឋចូលរួមចំនួន​ ២៣០នាក់​ ស្រី ៦២នាក់​ ដេីម្បីជាការដាស់តឿនដល់អ្នកបើកបរគោយន្តកន្ត្រៃយ៍អោយមានការប្រុងប្រយ័ត្នខ្ពស់ ក៌ដូចជាចែករំលែកនូវចំណេះដឹងបន្ថែមអំពីច្បាប់ចរាចរណ៍ផ្លូវគោក​ ក្នុងគោលបំណងរួមចំណែកកាត់បន្ថយលគ្រោះថ្នាក់ចរាចរណ៍​អោយស្ថិតមកនៅកម្រិតទាប។ ក្នុងនោះដែរក៏បានផ្សព្វផ្សាយអំពិវិធានសុខាភិបាល 3កុំ 3ការពារ បញ្ហាគ្រឿងញៀន និងជម្ងឺអេដស៍ផងដែរ​ ក្រុមការងារក៏បានប្រគល់ជូននូវឯកសារផ្សព្វផ្សាយអំពីសុវត្ថិភាពចរាចរណ៍ជូនដល់​ នគរបាលចរាចរណ៍ អាជ្ញាធរ​ ភូមិ–ឃុំ​ ដេីម្បីជួយផ្សព្វផ្សាយបន្ត៕