កិច្ចប្រជុំថ្នាក់ដឹកនាំ ក្រុមការងារ ស.ស.យ.ក វិស័យសាធារណការ និងដឹកជញ្ជូន ថ្ងៃសុក្រ ១១កើត ខែភទ្របទ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៧ ខែកញ្ញា ឆ្នាំ២០២១ លោក ឈួន វិន ប្រធានក្រុមការងារបានដឹកនាំកិច្ចប្រជុំតាមប្រព័ន្ធវីដេអូ (Zoom) ជាមួយថ្នាក់ដឹកនាំក្រុមការងារ ដើម្បីពិភាក្សាអំពីការងាររៀបចំបង្កើតផែនចំណុះឱ្យផ្នែកជំនាញនីមួយៗ នៃក្រុមការងារ ស.ស.យ.ក វិស័យសាធារណការ និងដឹកជញ្ជូន។ ឆ្លៀតក្នុងឱកាសនេះ លោកប្រធានក្រុមការងារបានស្នើឱ្យប្រធានផ្នែកការងារនីមួយៗធ្វើបច្ចុប្បន្នភាពសមាជិកទាំងអស់ក្នុងផ្នែករបស់ខ្លួន ដើម្បីស្របតាមស្ថានភាពជាក់ស្តែងនាពេលបច្ចុប្បន្ន។ អង្គប្រជុំបានបញ្ចប់នៅវេលាម៉ោង ៤រសៀល ក្រោមបរិយាកាសស្និទ្ធស្នាល សាមគ្គីភាព និងស្មារតីទទួលខុសត្រូវ។