ថ្ងៃសុក្រ ១១កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៧ ខែកញ្ញា ឆ្នាំ២០២១ នៅទីស្តី ការក្រសួង អគ្គនាយកដ្ឋានបច្ចេកទេសនៃក្រសួងសាធារណការ និងដឹកជញ្ជូន បានរៀបចំវគ្គបណ្តុះបណ្តាលជំនាញបច្ចេកទេសរយៈពេលខ្លីស្តីពីការធ្វើពិសោធន៍ Proctor, Proof Rolling និង Sand Cone តាមរយៈប្រព័ន្ធវីដេអូពីចម្ងាយ ជូនដល់មន្ត្រីជំនាញបច្ចេកទេសពាក់ព័ន្ធ ដើម្បីពង្រឹងគុណភាពនៃការសាងសង់ផ្លូវថ្នល់ ក្រោមអធិបតីភាព ឯកឧត្តម យិត បុណ្ណា រដ្ឋលេខាធិការក្រសួងសាធារណការ និងដឹកជញ្ជូន ដោយមានការអញ្ជើញចូលរួមពី ឯកឧត្តម អនុរដ្ឋលេខាធិកា ឯកឧត្តម អគ្គនាយកសាធារណការ លោកអគ្គនាយករង លោកប្រធាន-អនុប្រធាននាយកដ្ឋានក្រោមឱវាទអគ្គនាយកដ្ឋានបច្ចេកទេស និងអគ្គនាយកដ្ឋានសាធារណការ លោកប្រធាន-អនុប្រធានមន្ទីរសាធារណការ និងដឹកជញ្ជូនរាជធានី-ខេត្ត ឯកឧត្តម-លោកប្រធានអង្គភាពវិស្វកម្ម ព្រមទាំងលោក-លោកស្រីមន្ត្រីបច្ចេកទេសពាក់ព័ន្ធ ដែលមាន សមាសភាពចូលរួមសរុបចំនួន​ ៩៨រូប ៕