[Phnom Penh Post] - ក្រសួងសាធារណការចែកខិត្តប័ណ្ណស្ដីពីសុវត្ថិភាពចរាចរណ៍ ដើម្បីកាត់បន្ថយគ្រោះថ្នាក់
2021-09-01
ទៅកាន់ទំព័រចុះផ្សាយក្នុង Phnom Penh Post
ភ្នំពេញៈ ក្រសួងសាធារណការ និងដឹកជញ្ជូន បានបង្កើតយុទ្ធនាការមួយក្នុងការចុះផ្សព្វផ្សាយចែកខិត្តប័ណ្ណស្តីពីសុវត្ថិភាពចរាចរណ៍ផ្លូវគោកដល់មន្ត្រីរាជការក្រសួងសាធារណការ និងដឹកជញ្ជូន និងប្រជាពលរដ្ឋតាមដងផ្លូវក្នុងក្របខ័ណ្ឌទូទាំងប្រទេស ដើម្បីចូលរួមកាត់បន្ថយគ្រោះថ្នាក់ចរាចរណ៍ និងផ្តល់ចំណេះដឹងដល់ពលរដ្ឋទូទៅ។
កាលពីថ្ងៃទី ៣០ ខែសីហា ក្រុមការងារនៃក្រសួងសាធារណការ និងដឹកជញ្ជូនបានធ្វើយុទ្ធនាការចុះចែកខិត្តប័ណ្ណស្តីពីសុវត្ថិភាពចរាចរណ៍ផ្លូវគោកដល់មន្ត្រីរាជការក្រសួងសាធារណការ និងដឹកជញ្ជូននៅទីស្តីការក្រសួង។
ក្នុងយុទ្ធនាការនេះ គឺបានប្រើប្រាស់នូវខិត្តប័ណ្ណ ដោយមានបង្ហាញពីខ្លឹមសារអប់រំ ពាក់ព័ន្ធនឹងសុវត្ថិភាពក្នុងការធ្វើដំណើរក្នុងដំណាក់កាលកូវីដ ១៩ ការពន្យល់ដល់អ្នកដំណើរពីការគោរព និងអនុវត្តឱ្យបានត្រឹមត្រូវជុំវិញសុវត្ថិភាពចរាចរណ៍ផ្លូវគោករួមទាំងការដាក់ទោសទណ្ឌ និងការពិន័យចំពោះជនដែលល្មើសនឹងច្បាប់ស្តីពីចរាចរណ៍ផ្លូវគោកផងដែរ។
នេះបើតាមមន្ត្រីនៃក្រសួងសាធារណការ និងដឹកជញ្ជូន។
លោក ឈួន វន់ អគ្គនាយកដឹកជញ្ជូនផ្លូវគោកក្រសួងសាធារណការ និងដឹកជញ្ជូនបានប្រាប់ភ្នំពេញប៉ុស្តិ៍នៅថ្ងៃទី ៣១ សីហាថា ការចុះផ្សព្វផ្សាយចែកខិត្តប័ណ្ណស្តីពីសុវត្ថិភាពចរាចរណ៍ផ្លូវគោកក្នុងពេលនេះ គឺជាយន្តការមួយដើម្បីចូលរួមកាត់បន្ថយគ្រោះថ្នាក់ចរាចរណ៍ និងផ្តល់ចំណេះដឹងដល់ប្រជាពលរដ្ឋទូទៅ។
លោកបន្តថា ដោយសារតែមន្ត្រីសាធារណការ គឺជាតួអង្គដែលសំខាន់ ទើបយុទ្ធនាការនេះត្រូវបានចាប់ផ្តើមផ្សព្វផ្សាយពីមន្ត្រីខ្លួនឯងផ្ទាល់ ដើម្បីជាការក្រើនរំឭកមួយទៅដល់មន្ត្រីក្នុងការចូលរួមសកម្មភាពអនុវត្តចរាចរណ៍ផ្លូវគោកហើយមន្ត្រីខ្លួនឯង គឺត្រូវធ្វើជាគំរូសម្រាប់ពលរដ្ឋ។
Content image - Phnom Penh Post
មន្ត្រីពេលចុះយុទ្ធនាការចែកខិត្តប័ណ្ណស្ដីពីសុវត្ថិភាពចរាចរណ៍ផ្លូវគោក។ រូបថត នាយកដ្ឋានសុវត្ថិភាពចរាចរណ៍ផ្លូវគោក
ភ្នំពេញៈ ក្រសួងសាធារណការ និងដឹកជញ្ជូន បានបង្កើតយុទ្ធនាការមួយក្នុងការចុះផ្សព្វផ្សាយចែកខិត្តប័ណ្ណស្តីពីសុវត្ថិភាពចរាចរណ៍ផ្លូវគោកដល់មន្ត្រីរាជការក្រសួងសាធារណការ និងដឹកជញ្ជូន និងប្រជាពលរដ្ឋតាមដងផ្លូវក្នុងក្របខ័ណ្ឌទូទាំងប្រទេស ដើម្បីចូលរួមកាត់បន្ថយគ្រោះថ្នាក់ចរាចរណ៍ និងផ្តល់ចំណេះដឹងដល់ពលរដ្ឋទូទៅ។
កាលពីថ្ងៃទី ៣០ ខែសីហា ក្រុមការងារនៃក្រសួងសាធារណការ និងដឹកជញ្ជូនបានធ្វើយុទ្ធនាការចុះចែកខិត្តប័ណ្ណស្តីពីសុវត្ថិភាពចរាចរណ៍ផ្លូវគោកដល់មន្ត្រីរាជការក្រសួងសាធារណការ និងដឹកជញ្ជូននៅទីស្តីការក្រសួង។
ក្នុងយុទ្ធនាការនេះ គឺបានប្រើប្រាស់នូវខិត្តប័ណ្ណ ដោយមានបង្ហាញពីខ្លឹមសារអប់រំ ពាក់ព័ន្ធនឹងសុវត្ថិភាពក្នុងការធ្វើដំណើរក្នុងដំណាក់កាលកូវីដ ១៩ ការពន្យល់ដល់អ្នកដំណើរពីការគោរព និងអនុវត្តឱ្យបានត្រឹមត្រូវជុំវិញសុវត្ថិភាពចរាចរណ៍ផ្លូវគោករួមទាំងការដាក់ទោសទណ្ឌ និងការពិន័យចំពោះជនដែលល្មើសនឹងច្បាប់ស្តីពីចរាចរណ៍ផ្លូវគោកផងដែរ។
នេះបើតាមមន្ត្រីនៃក្រសួងសាធារណការ និងដឹកជញ្ជូន។
លោក ឈួន វន់ អគ្គនាយកដឹកជញ្ជូនផ្លូវគោកក្រសួងសាធារណការ និងដឹកជញ្ជូនបានប្រាប់ភ្នំពេញប៉ុស្តិ៍នៅថ្ងៃទី ៣១ សីហាថា ការចុះផ្សព្វផ្សាយចែកខិត្តប័ណ្ណស្តីពីសុវត្ថិភាពចរាចរណ៍ផ្លូវគោកក្នុងពេលនេះ គឺជាយន្តការមួយដើម្បីចូលរួមកាត់បន្ថយគ្រោះថ្នាក់ចរាចរណ៍ និងផ្តល់ចំណេះដឹងដល់ប្រជាពលរដ្ឋទូទៅ។
លោកបន្តថា ដោយសារតែមន្ត្រីសាធារណការ គឺជាតួអង្គដែលសំខាន់ ទើបយុទ្ធនាការនេះត្រូវបានចាប់ផ្តើមផ្សព្វផ្សាយពីមន្ត្រីខ្លួនឯងផ្ទាល់ ដើម្បីជាការក្រើនរំឭកមួយទៅដល់មន្ត្រីក្នុងការចូលរួមសកម្មភាពអនុវត្តចរាចរណ៍ផ្លូវគោកហើយមន្ត្រីខ្លួនឯង គឺត្រូវធ្វើជាគំរូសម្រាប់ពលរដ្ឋ។
Content image - Phnom Penh Post
ការចែកខិត្តប័ណ្ណពីថ្ងៃទី ៣០ សីហា ។ រូបថត នាយករដ្ឋានសុវត្ថិភាពចរាចរណ៍ផ្លូវគោក
លោកបានបញ្ជាក់ថា៖ «ការចែកខិត្តប័ណ្ណនេះគឺជាការក្រើនរំឭកឡើងវិញ ចំពោះមន្ត្រីយើង ជាពិសេសយើងជាមន្ត្រី គឺជាគំរូដល់បងប្អូនប្រជាពលរដ្ឋយើង ទាក់ទងនឹងការងារសុវត្ថិភាពចរាចរណ៍ផ្លូវគោក។ ការចុះផ្សព្វផ្សាយចែកខិត្តប័ណ្ណស្តីពីសុវត្ថិភាពចរាចរណ៍ផ្លូវគោកនេះ គឺមិនត្រឹមតែ ៤ ០០០ សន្លឹកនេះនៅទីស្តីការក្រសួងនោះទេ គឺយើងក៏នឹងបានសហការជាមួយមន្ទីរសាធារណការទូទាំងរាជធានីខេត្ត ដើម្បីចុះចែកដល់ពលរដ្ឋទូទៅតាមដងផ្លូវផងដែរ និងតាមមណ្ឌលផ្តល់សេវាសាធារណៈនានារបស់ក្រសួងបន្ថែមទៀត»។
ជាងនេះទៀត លោក ឈួន វន់ បានបន្តថា យុទ្ធនាការនេះក៏នឹងធ្វើនៅតាមសាលារៀន និងតាមទីសាធារណៈនានា ដែលក្រុមការងារក្រសួងសាធារណការ និងដឹកជញ្ជូនអាចធ្វើទៅបានក្នុងពេលខាងមុខ។
លោក គង់ រតនៈ អ្នកជំនាញ និងអ្នកពិគ្រោះយោបល់លើបញ្ហាចរាចរណ៍ផ្លូវគោកបានលើកឡើងថា យុទ្ធនាការនេះគឺជាផ្នែកមួយក្នុងការជំរុញឱ្យចំណេះដឹងរបស់ប្រជាពលរដ្ឋក៏ដូចជាមន្ត្រីនៅក្នុងស្ថាប័ននីមួយៗឱ្យទទួលបានចំណេះដឹងបន្ថែមពីបញ្ហាសុវត្ថិភាពចរាចរណ៍។
លោកបន្តថា វិស័យសុវត្ថិភាពចរាចរណ៍គឺជារឿងចាំបាច់ចំពោះការអប់រំដើម្បីកែប្រែឥរិយាបថរបស់ពលរដ្ឋ ហើយការអប់រំនេះ គឺត្រូវតែបន្តធ្វើជាប្រចាំ។ ក៏ប៉ុន្តែលោក ថា ការចុះអប់រំផ្សព្វផ្សាយតែ ១ មុខ ក៏មិនទាន់គ្រប់គ្រាន់ដែរគឺត្រូវរួមផ្សំជាមួយនឹងការរឹតបន្តឹងច្បាប់ និងការកែសម្រួលហេដ្ឋារចនាសម្ព័ន្ធផ្លូវថ្នល់បន្ថែមទៀត។
លោកបានបញ្ជាក់ថា៖ «មន្ត្រីជាពិសេសអ្នកអនុវត្តច្បាប់ និងអ្នកទាំងអស់គ្នាហ្នឹងត្រូវតែមានការអភិវឌ្ឍខ្លួនជាប្រចាំ។ អ៊ីចឹងខ្ញុំយល់ថា នេះជាកិច្ចដឹកនាំដ៏ល្អ ដែលផ្តួចផ្តើមឱ្យមានការអប់រំផ្សព្វផ្សាយនេះ ដែលមើលឃើញថា មន្ត្រីជាច្រើនគឺបានអនុវត្តបានល្អហើយ។ ប៉ុន្តែនៅសល់មួយចំនួនទៀតអាចអនុវត្តមិនទាន់បានល្អ ទើបបានថ្នាក់ដឹកនាំគាត់មើលឃើញហើយបន្តចុះផ្សព្វផ្សាយ»៕
