សកម្មភាពចុះផ្សព្វផ្សាយចែកខិត្តប័ណ្ណស្តីពីសុវត្ថិភាពការធ្វើដំណើរចំនួន ៣០០សន្លឹក ជូនពលរដ្ឋក្នុងខេត្ត របស់ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈសមាជិកសមាជិកា ស.ស.យ.ក មន្ទីរសាធារណការ និងដឹកជញ្ជូនខេត្តឧត្តរមានជ័យ នៅថ្ងៃពុធ ១៤កើត ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី២៣ ខែកក្កដាឆ្នាំ២០២១ ក្រុមការងារ ស.ស.យ.ក វិស័យសាធារណការ និងដឹកជញ្ជូន តាមរយៈក្រុមការងារ ស.ស.យ.ក វិស័យសាធារណការ របស់មន្ទីរសាធារណការ និងដឹកជញ្ជូន ខេត្តឧត្តរមានជ័យ បានចុះចែកខិត្តប័ណ្ណផ្សព្វផ្សាយ អំពីសុវត្ថិភាពការធ្វើដំណើរតាមរថយន្តក្នុងរដូវកាល កូវីដ-១៩ ដើម្បីជាការពញ្ញាក់ស្មារតីដល់អ្នកបើកបរ និងអ្នករួមដំណើរឲ្យមានការប្រុងប្រយ័ត្នខ្ពស់ ក្នុងការទប់ស្តាត់ការរីករាលដាលនៃជម្ងឺ កូវីដ-១៩ ព្រមទាំងអនុវត្តអោយបាននូវវិធានសុវត្ថិភាព ៣ការពារ ៣កុំ នៅតាមទីតាំង ចំណតយានយន្្តក្រុងសំរោង ក្រុមហ៊ុនដឹកជញ្ជូនអ្នកដំណើរ ដោយជាលទ្ធផលបានប្រើប្រាស់ខិត្តប័ណ្ណ សរុបចំនួន ៣០០សន្លឹក ផងដែរ៕