ស្ពានអាកាសចំណុចរង្វង់មូលចោមចៅ នឹងបើកការដ្ឋានសាងសង់នៅពេលដ៏ខ្លីខាងមុខនេះ ខណៈបច្ចុប្បន្ននេះរដ្ឋបាលរាជធានីភ្នំពេញ កំពុងសិក្សាប្លង់ចំនួន៤ជម្រើសផ្សេងគ្នា។ ឯកឧត្តម ឃួនស្រេង អភិបាលរាជធានីភ្នំពេញបានមានប្រសាសន៍ថា ស្ពានអាកាសនេះនឹងឆ្លងកាត់ផ្លូវជាតិលេខ ៣ និងផ្លូវជាតិលេខ៤ ហើយវានឹង បម្រើ​ បងប្អូន ប្រជាពលរដ្ឋធ្វើចរាចរ បានដោយសុវត្ថិភាព និងមិនមានការកកស្ទះចរាចរ។ តែយ៉ាងណាមិញ ឯកឧត្តម មិនទាន់បានបញ្ជាក់ថា ស្ពាននេះ នឹងមានប្រវែងប៉ុន្មាន ត្រូវសាងសង់ដោយ​ក្រុមហ៊ុនណានោះទេ នឹងត្រូវបញ្ជប់ការសាងសង់នៅឆ្នាំណានោះដែ។ ដោយឡែក ចំពោះស្ពានអាកាសទី ៥នៅ ភ្នំពេញ ពោលគឺស្ពានអាកាសផ្សារដីហុយ បានសាងសង់បានប្រមាណជាង ៩០ភាគរយហើយ ហើយគ្រោងនឹងបញ្ចប់ នៅចុងឆ្នាំ២០១៧ខាងមុខនេះ។ ស្ពាននេះបានចាប់ផ្តើមសាងសង់ តាំងពីកំឡុង ខែសីហា ឆ្នាំ២០១៦មកដល់ពេលនេះ ស្ពានអាកាសស្តុបផ្សារដីហុយ នេះ មានប្រវែង ៩០៥ម ទទឹង ១៦.៥ម ដែលស្ថិតនៅលើដងផ្លូវសហព័ន្ធរុស្សី ដែលប្រសព្វជាមួយផ្លូវលេខ១០១៩ (ស្តុបផ្សារដីហុយ)។