នៅក្នុងពិធី បិទសន្និបាតបូកសរុបលទ្ធផលការងារឆ្នាំ២០២០ និងលើកទិសដៅការងារឆ្នាំ២០២១ ប្រធានបទ “លើកកម្ពស់ការអភិវឌ្ឍធនធានមនុស្ស វិទ្យាសាស្ត្រ បច្ចេកវិទ្យា ដើម្បីពង្រឹងគុណភាពប្រសិទ្ធភាពក្នុងវិស័យសាធារណការ និងដឹកជញ្ជូន និងភស្ភុភារកម្មបន្ថែមមុខងារ ឯកឧត្តមស៊ុន ចាន់ថុល បានមានប្រសាសន៍ថា «គម្រោងបន្ថែមមុខងារលើកម្មវិធីថែទាំផ្លូវ Road Care App សម្រាប់រាយការណ៍អំពី ការរំលោភយកចំណីផ្លូវ ការដឹកសំពីងសំពោង និងករណីគ្រោះថ្នាក់ចរាចរណ៍»។ ​ គួររំលឹកផងដែរថា លោក ស៊ុន ចាន់ថុល បានផ្តួចផ្តើម បង្កើតកម្មវិធីថែទាំផ្លូវ (ROAD CARE Mobile App) ខែធ្នូ ឆ្នាំ២០១៨ «កម្មវិធីថែទាំផ្លូវ (ROAD CARE mobile app)» ។ កម្មវិធីនេះ អាចទាញយកដោយឥតគិតថ្លៃ នៅលើ App Store និង Play Store ក្នុងទូរសព្ទដៃ។ កម្មវិធីថែទាំផ្លូវ (ROAD CARE mobile app) អាចឲ្យពលរដ្ឋរាយការដោយផ្ទាល់ពីស្ថានភាពផ្លូវ ជង្ហុក សំបុកមាន់ ឬផ្លូវខូចទៅកាន់អាជ្ញាធរពាក់ព័ន្ធ ដើម្បីធ្វើការជួសជុលបានទាន់ពេលវេលា។ កម្មវិធីនេះបង្កើតឡើងក្នុងគោលបំណងដើម្បីពង្រឹងគុណភាពផ្លូវ ដែលទាមទារឲ្យមានការជួសជុល និងថែទាំទូទាំងប្រទេស តាមរយៈការរាយការពីស្ថានភាពជង្ហុក សំបុកមាន់ និងផ្លូវខូចដោយអ្នកប្រើប្រាស់។ ជាក់ស្ដែង កន្លងមកនេះ ជង្ហុកសំបុកមាន់នៅលើផ្លូវលេខ១០៨ ត្រូវបានជួសជុលរួចរាល់ តាមរយៈការរាយការណ៍តាមកម្មវិធីថែទាំផ្លូវ (ROAD CARE Mobile App)។ ជង្ហុកសំបុកមាន់នៅលើផ្លូវលេខ១០៨ ដែលមានទីតាំងនៅក្នុងខណ្ឌដូនពេញ រាជធានីភ្នំពេញ ត្រូវបានជួសជុលរួចរាល់ កាលពីថ្ងៃទី១៩ ខែមករា ឆ្នាំ២០២១ ដោយមន្ទីរសាធារណការ និងដឹកជញ្ជូនរាជធានីភ្នំពេញ តាមរបាយការណ៍របស់ប្រជាពលរដ្ឋ ដែលផ្ញើមកកាន់មន្ត្រីជំនាញតាមរយៈកម្មវិធីថែទាំផ្លូវ (ROAD CARE Mobile App) ។ ក្រសួងក៏បាន ថ្លែងអំណរគុណដល់បងប្អូនប្រជាពលរដ្ឋ ដែលបានចូលរួមសហការរាយការណ៍ពីបញ្ហាផ្លូវខូច ឬផ្លូវដែលត្រូវជួសជុលថែទាំ ដើម្បីអភិវឌ្ឍលើវិស័យហេដ្ឋារចនាសម្ព័ន្ធផ្លូវថ្នល់ឱ្យកាន់តែល្អប្រសើរ តាមរយៈការប្រើប្រាស់កម្មវិធីថែទាំផ្លូវ (ROAD CARE Mobile App)។ ទាញយកកម្មវិធីថែទាំផ្លូវ (Road Care Mobile App)៖ - App Store: https://roadcare.mpwt.gov.kh/ios - Play Store: https://roadcare.mpwt.gov.kh/android