(ភ្នំពេញ​)៖​ ឯកឧត្ដម ស៊ុន ចាន់ថុល​ ទេសរដ្ឋមន្រ្តី រដ្ឋមន្ដ្រីក្រសួងសាធារណការ និងដឹកជញ្ជូន​ ក្នុងពិធីបិទសន្និបាតបូកសរុបលទ្ធផលការងារសាធារណការនិងដឹកជញ្ជូន ឆ្នាំ២០២០​ និងលើកទិសដៅការងារឆ្នាំ២០២១ ថ្ងៃទី១៧ ខែកុម្ភៈ ឆ្នាំ២០២១ បាន​ឲ្យដឹងថា​ ក្នុងឆ្នាំ២០២០នេះ គណៈកម្មការអន្តរក្រសួង បានចុះបញ្ជីលេខពិសេសសម្រាប់រថយន្តគ្រួសារ និងរថយន្តធុនស្រាល សរុបចំនួន ៤២ ៧២៧ ផ្លាក បាន​ទទួលចំណូលប្រមាណជាង ៣៤ ពាន់លាន​រៀល ស្មើនឹង ៨,៥៨ លានដុល្លារអាមេរិក ​(កើនឡើង ៤៥% ធៀបនឹងឆ្នាំ២០១៩)។ ដោយឡែក បន្ទាប់ពីបានដាក់ឱ្យដំណើរការប្រព័ន្ធស្វ័យប្រវត្តិកម្មលក់លេខពិសេសផ្ទាល់ខ្លួន គិតចាប់​​ពី​ថ្ងៃទី០៧ ខែមករា រហូតដល់ខែធ្នូ ឆ្នាំ២០២០ បានលក់ផ្លាកលេខពិសេសផ្ទាល់ខ្លួនចំនួន ៣​​ ៧១៩ ​ផ្លាក និងប្រមូលចំណូលបានចំនួន ៨ លានដុល្លារអាមេរិក (សរុបចំណូល​ពីការលក់លេខ​ពិសេស​មាន​ប្រមាណ ១៦លានដុល្លារអាមេរិក)៕