ក្រសួងសាធារណការ និងដឹកជញ្ជូន បានឱ្យដឹងថា គម្រោងសាងសង់ផ្លូវក្រវាត់ក្រុងទី៣ (ចាប់ពីផ្លូវជាតិលេខ ៤ ដល់ផ្លូវជាតិលេខ ១) មានប្រវែង សរុបជិត ៥៣គីឡូម៉ែត្រ ជាប្រភេទផ្លូវក្រាលបេតុង ស៊ីម៉ង់ត៍សរសៃដែក និងបេតុងកៅស៊ូ (AC) ។គម្រោងនេះ ត្រូវបានបើកការដ្ឋានសាងសង់កាលពីថ្ងៃទី ១៤ ខែមករា ឆ្នាំ២០១៩ ដែលគ្រោងចំណាយថវិកា ២៧៣ លានដុល្លារអាមេរិក ក្រោមហិរញ្ញប្បទានសម្បទានពីរដ្ឋាភិបាល នៃសាធារណរដ្ឋប្រជាមានិតចិន និងថវិកាបដិភាគរបស់រាជរដ្ឋាភិបាលកម្ពុជា សម្រាប់ការដោះស្រាយផលប៉ះពាល់ ការបោសសម្អាតមីន និងយុទ្ធភ័ណ្ឌមិនទាន់ផ្ទុះ និងរយៈពេលសាងសង់ចំនួន ៤២ខែ។ ផ្លូវក្រវាត់ក្រុងផ្លូវជាតិលេខទី៣ មានប្រវែង ៥៣គីឡូម៉ែត្រតភ្ជាប់ពីផ្លូវជាតិលេខ៦ ឆ្ពោះទៅកាន់ផ្លូវជាតិលេខ ៤ លេខ៣ លេខ២១ មុននឹងឆ្លងទន្លេបាសាក់ តភ្ជាប់ទៅកាន់ផ្លូវជាតិលេខ១ ត្រូវបានកសាងឡើងជា៤គន្លង ដែលមានទទឹង ផ្លូវ ២៥ម៉ែត្រ និងគ្រោងចំណាយថវិកា ប្រមាណ ២៧៣លានដុល្លារ ជាហិរញ្ញប្បទាន សម្បទានរបស់ប្រទេសចិន និងថវិការ បដិភាគរបស់រាជរដ្ឋាភិបាលកម្ពុជា។ ផ្លុវនេះបានបើកការដ្ឋានសាងសង់ កាលពីថ្ងៃទៅ ១៤ ខែមករា ឆ្នាំ២០១៩ ដោយគ្រោងនឹងបញ្ជប់នៅចុងឆ្នាំ២០២១។ ផ្លូវក្រវាត់ក្រុងទី៣ ត្រូវបានបែងចែកជា៤តំបន់ គឺតំបន់ចន្លោះពីស្ពានព្រែកព្នៅទៅដល់ផ្លូវជាតិលេខ ៤ មានតម្លៃជាមធ្យមចន្លោះពី ២០០ ទៅ ២៥០ដុល្លារក្នុងមួយម៉ែត្រការ៉េ តំបន់ចន្លោះផ្លូវជាតិលេខ៣និងលេខ៤ ដីធ្លីមានតម្លៃពី ១៥០ដុល្លារ ទៅ ២០០ដុល្លារ ក្នុងមួយម៉ែត្រការ៉េ ។ ចំណែក តំបន់ចាប់ពីផ្លូវជាតិលេខ៣ ទៅកាន់ផ្លុវជាតិលេខ២១ មានតម្លៃពី ១០០ ១៥០ដុល្លារ ក្នុងមួយម៉ែត្រការ៉េ និងចាប់ពីផ្លូវជាតិលេខ២១ ទៅផ្លូវជាតិលេខ១ មានតម្លៃចន្លោះពី៥០ ទៅ១០០ដុល្លារ ក្នុងមួយម៉ែត្រការ៉េ។ រំលឹក៖ ទាក់ទងនឹងកិច្ចការរកស៊ីក្នុងវិស័យដីធ្លី អ្នកឧកញ៉ា សៀ ឫទ្ធី អគ្គនាយកក្រុមហ៊ុន WorldBridge Group និងជាសេដ្ឋីអចលនទ្រព្យនិងឡូជីស្ទិក ដ៏ល្បីល្បាញមួយរូប នៅកម្ពុជា កាលពីពេលថ្មីៗនេះ បានផ្ដល់ការណែនាំខ្លះៗ ដល់អ្នកដែលរកស៊ីក្នុងវិស័យអចលនទ្រព្យ ថា“ ការរកស៊ីដីធ្លីសំខាន់បំផុត គឺព័ត៌មាន” ។ លោកបានពន្យល់បន្ថែមថា“ អ្វីដែលអ្នករកស៊ីត្រូវច្បាស់គឺ ព័ត៌មាន។ បន្ទាប់ពីដឹងពីព័ត៌មានហើយ យើងត្រូវតែស្វែងយល់ពីវិស័យអចលនទ្រព្យ ហើយកន្លែងណាមានវគ្គបណ្តុះបណ្តាលខ្លីៗ យើងគួរសិក្សា នៅពេលយើងមានពត៌មាន ចំណេះដឹងហើយ ទើបយើងអាចសម្លឹងឃើញពីឱកាសនៃការវិនិយោគ ទៅតាមលទ្ធភាព។ កុំឃើញគេវិនិយោគខុនដូធំ យើងទៅធ្វើធំដូចគេ គឺយើងធ្វើអី្វទៅតាមធនធានរបស់យើង ។”