[BTV] - ផ្លូវ៥ខ្សែក្នុងខេត្តកំពង់ធំ ដែលរងការខូចខាតដោយទឹកជំនន់នឹងត្រូវជួសជុលឆាប់ៗនេះ
2020-11-05
ទៅកាន់ទំព័រចុះផ្សាយក្នុង BTV
កំពង់ធំ ៖ ផ្លូវចំនួន៥ខ្សែក្នុងខេត្តកំពង់ធំ ដែលបានរងផលប៉ះពាល់ដោយសារទឹកជំនន់ នឹងត្រូវជួល ជុលបន្ទាន់ ក្រោយទឹកស្រកវិញ។
ឯកឧត្តម បុង ប៊ុនហួន រដ្ឋលេខាធិកាក្រសួងសាធារណការ និងដឹកជញ្ជូន កាលពីថ្ងៃទី០៤ ខែ វិច្ឆិកាម្សិលមិញនេះ បានដឹកនាំមន្ត្រីជំនាញ ចុះពិនិត្យមើលស្ថានភាពផ្លូវចំនួន៥ខ្សែក្នុងខេត្តកំពង់ធំ ដែលរងការខូចខាតដោយកន្លែង ដោយសារទឹកជំនន់ កាលពីខែមុន។ ឯកឧត្តម បានបញ្ជាក់ថា ផ្លូវទាំងប្រាំខ្សែ នៅក្នុងខេត្តកំពង់ធំ ដែលរងផលប៉ះពាល់ដោយសារទឹក ជំនន់ គឺជាផ្លូវដែលសំខាន់ ចាំបាច់ត្រូវរៀបចំជួសជុលជាជាបន្ទាន់។
លោក ជូ កូល្លា ប្រធានមន្ទីរសាធារណការ និងដឹកជញ្ជូន ខេត្តកំពង់ធំ បានឱ្យដឹងថា ផ្លូវខេត្ត និងផ្លូវជាតិ ដែលបានរងផលប៉ះពាល់ដោយសារទឹកជំនន់ទឹកភ្លៀង មានដូចជា ផ្លូវខេត្ត “២៦៤B” ចាប់ពីឃុំកំពង់ ថ្ម ដល់ឃុំក្រយា ស្រុកសន្ទុក ខូចខាតជាង៤គីឡូម៉ែត្រ ផ្លូវខេត្ត “២៦៤D” ចាប់ពីឃុំបន្ទាយស្ទោង ស្រុកស្ទោង ខូចខាតជាង៣គីឡូម៉ែត្រ ផ្លូវជាតិ៥០C ក្នុងសង្កាត់ស្រយ៉ូវ ក្រុងស្ទឹងសែន ខូចខាត ជាង១១គីឡូ ម៉ែត្រ ផ្លូវជាតិលេខ៦ចាស់ ក្នុងឃុំទ្រា ស្រុកស្ទោង ខូចខាតជាង១គីឡូម៉ែត្រ និងផ្លូវជាតិលេខ៦ ក្នុងស្រុក ស្ទោង ខូចខាតជាង៤គីឡូម៉ែត្រ៕
