ផ្លូវមួយខ្សែ នៅក្នុងសង្កាត់ឃ្មួញ ខណ្ឌ​សែន​សុខ ត្រង់ចំណុចខាងលិច វត្ត​ឃ្មួញ កំពុងរងការខូចខាតជា​អន្លើ​ ដោយកន្លែងខ្លះមានលេចចេញ​ចម្រឹង​ដែក ហើយពលរដ្ឋក្នុងភូមិសាស្រ្តនេះ បានអំពាវនាវដល់​អាជ្ញាធរ​ឲ្យ​ជួយពិនិត្យ និង​ស្ថាបនា​ជួសជុល ​ឡើងវិញ សម្រាប់​បម្រើ​ផលប្រយោជន៍ ដល់​អ្នកដំណើរ​ទូទៅ ។ ​ប្រជាពលរដ្ឋ​រស់នៅភូមិឃ្មួញ សង្កាត់ឃ្មួញ ខណ្ឌសែនសុខ ប្រាប់ឲ្យដឹង​ថា កាលពីមុនមិនសូវ​ខូចខាត​ខ្លាំង​នោះទេ ទើបតែ​ប៉ុន្មានខែចុងក្រោយនេះប៉ុណ្ណោះ ដែលផ្លូវចេះតែខូចខ្លាំងទៅៗ ខណៈខែវស្សាភ្លៀងធ្លាក់​ទឹក​ដក់ ហើយមានជង្ហុកតូច ធំ ជាច្រើន ពិបាក​ក្នុង​ការ​ធ្វើដំណើរ។ ប្រភព​ព័ត៌មាន​ប្រាប់បន្តឲ្យដឹងថា ផ្លូវដែលខូចខាតខ្លាំងនេះ គឺបង្កឡើងដោយសារតែក្រុម​រថយន្តធុនធំ​គ្រប់ប្រភេទ ជាពិសេសក្រុមរថយន្ត​ដឹក​កុង​ទីន័រ​តែម្តង ​ពីព្រោះថា នៅតំបន់ភូមិឃ្មួញ សង្កាត់ឃ្មួញ នេះ ក៏សំបូរទៅដោយឃ្លាំងស្តុកទំនិញ​ ហេតុដូច្នេះហើយក្រុមរថយន្តដឹកកុងទីន័រទាំងអស់នោះ តែងតែបើកបរ​ទៅ​មកជាប្រចាំថ្ងៃ ។ ​ពាក់ព័ន្ធ​ព័ត៌មាន​នេះ លោក ម៉ូវ ម៉ានិត អភិបាល នៃគណៈអភិបាលខណ្ឌសែនសុខ ប្រាប់ឲ្យដឹងថា ​អាជ្ញាធរ​ខណ្ឌសែនសុខ កំពុងដោះស្រាយជូនហើយ ដោយ​ជំហាន​ដំបូងក្រុមការងារកំពុង​កាយដាក់​ប្រព័ន្ធ​លូ​បង្ហូរ​ទឹក បន្ទាប់មកទើបស្ថាបនាជាផ្លូវបេតុង ដែលមានទទឹងប្រវែង ១២ម៉ែត្រ និងដាក់លូ ទំហំ ១,៥០ម៉ែត្រ ( ១ម៉ែត្រកន្លះ ) តាម​បណ្ដោយ​ផ្លូវនេះផងដែរ ។ ​ប្រជាពលរដ្ឋ​រស់នៅភូមិឃ្មួញ សង្កាត់ឃ្មួញ ខណ្ឌសែនសុខ ប្រាប់ឲ្យដឹង​ថា កាលពីមុនមិនសូវ​ខូចខាត​ខ្លាំង​នោះទេ ទើបតែ​ប៉ុន្មានខែចុងក្រោយនេះប៉ុណ្ណោះ ដែលផ្លូវចេះតែខូចខ្លាំងទៅៗ ខណៈខែវស្សាភ្លៀងធ្លាក់​ទឹក​ដក់ ហើយមានជង្ហុកតូច ធំ ជាច្រើន ពិបាក​ក្នុង​ការ​ធ្វើដំណើរ។ ប្រភព​ព័ត៌មាន​ប្រាប់បន្តឲ្យដឹងថា ផ្លូវដែលខូចខាតខ្លាំងនេះ គឺបង្កឡើងដោយសារតែក្រុម​រថយន្តធុនធំ​គ្រប់ប្រភេទ ជាពិសេសក្រុមរថយន្ត​ដឹក​កុង​ទីន័រ​តែម្តង ​ពីព្រោះថា នៅតំបន់ភូមិឃ្មួញ សង្កាត់ឃ្មួញ នេះ ក៏សំបូរទៅដោយឃ្លាំងស្តុកទំនិញ​ ហេតុដូច្នេះហើយក្រុមរថយន្តដឹកកុងទីន័រទាំងអស់នោះ តែងតែបើកបរ​ទៅ​មកជាប្រចាំថ្ងៃ ។ ​ពាក់ព័ន្ធ​ព័ត៌មាន​នេះ លោក ម៉ូវ ម៉ានិត អភិបាល នៃគណៈអភិបាលខណ្ឌសែនសុខ ប្រាប់ឲ្យដឹងថា ​អាជ្ញាធរ​ខណ្ឌសែនសុខ កំពុងដោះស្រាយជូនហើយ ដោយ​ជំហាន​ដំបូងក្រុមការងារកំពុង​កាយដាក់​ប្រព័ន្ធ​លូ​បង្ហូរ​ទឹក បន្ទាប់មកទើបស្ថាបនាជាផ្លូវបេតុង ដែលមានទទឹងប្រវែង ១២ម៉ែត្រ និងដាក់លូ ទំហំ ១,៥០ម៉ែត្រ ( ១ម៉ែត្រកន្លះ ) តាម​បណ្ដោយ​ផ្លូវនេះផងដែរ ។ ​លោក ម៉ូវ ម៉ានិត ​បញ្ជាក់ឲ្យដឹងថា ផ្លូវមួយខ្សែនេះតភ្ជាប់គ្នារវាង ២សង្កាត់ គឺសង្កាត់ឃ្មួញ និងសង្កាត់​ក្រាំងធ្នង់ ។​ទាំង២ សង្កាត់ រួមមាន ៣ភូមិ គឺ ភូមិឃ្មួញ ភូមិសំរោង និង ព្រៃមូល ។ ទាំងអស់នេះ គឺជា​គម្រោង​សាងសង់​របស់រាជរដ្ឋាភិបាល ស្ថាបនាទាំងស្រុងមួយរយភាគរយ ជូនបងប្អូនប្រជាពលរដ្ឋ​ប្រើ​ប្រាស់ ​។ ជាមួយគ្នានេះលោក ម៉ូវ ម៉ានិត អភិបាលខណ្ឌសែនសុខ ក៍បានសំណូមពរទៅដល់អ្នកធ្វើដំណើរទូទៅ ជាពិសេសអ្នកបើកបររថយន្តដឹកទំនិញគ្រប់ប្រភេទ សូមកុំដឹក​លើស​ទម្ងន់​កម្រិត​កំណត់ ដែលនាំ​ឲ្យ​ឆាប់​ខូចខាតផ្លូវ ​និងត្រូវចូលរួមថែរក្សា ទុកជាប្រយោជន៍ប្រើប្រាស់បានយូរអង្វែង ៕​