ក្រសួងសាធារណការ និងដឹកជញ្ជូន សូមថ្លែងអំណរគុណដល់ប្រជាពលរដ្ឋ ដែលបានចូលរួមសហការរាយការណ៍តាមកម្មវិធីថែទាំផ្លូវ (ROAD CARE Mobile App) និងកោតសរសើរដល់លោក អ៊ួម ចន្ត្រា ដែលបានរាយការណ៍យ៉ាងសកម្ម និងចូលរួមចំណែកធ្វើអោយប្រសើរឡើងដល់ហេដ្ឋារចនាសម្ព័ន្ធផ្លូវថ្នល់របស់យើងទាំងអស់គ្នា។ គិតត្រឹមពេលបច្ចុប្បន្ននេះ លោក អ៊ួម ចន្ត្រា បានចូលរួមរាយការណ៍បាន ៣២៨ករណី តាមកម្មវិធីថែទាំផ្លូវ ដែលបង្ហាញពីការចូលរួមចំណែកជួយក្រសួងសាធារណការ និងដឹកជញ្ជូន អាចចាត់វិធានការទាន់ពេលក្នុងការធ្វើអោយប្រសើរឡើងដល់ហេដ្ឋារចនាសម្ព័ន្ធផ្លូវថ្នល់។ លោកក៏ជាអតីតជ័យលាភីលេខ១ ជាអ្នករាយការណ៍សកម្ម និងអ្នកប្រើប្រាស់កម្មវិធីថែទាំផ្លូវ (ROAD CARE Mobile App) ក្នុងកម្មវិធីបិទយុទ្ធនាការបណ្តុះបណ្តាល និងផ្សព្វផ្សាយកម្មវិធីថែទាំផ្លូវ កាលពីថ្ងៃទី១៦ ខែធ្នូ ឆ្នាំ២០១៩ ផងដែរ។ ក្រសួងសាធារណការ និងដឹកជញ្ជូន សូមថ្លែងអំណរគុណ និងកោតសរសើរចំពោះគ្រប់មន្ទីរសាធារណការ និងដឹកជញ្ជូន រាជធានី-ខេត្ត ដែលបានយកចិត្តទុកដាក់ដោះស្រាយលើរបាយការណ៍ផ្លូវដែលត្រូវជួសជុលថែទាំរបស់បងប្អូនប្រជាពលរដ្ឋរស់នៅក្នុងខេត្តផ្ទាល់។ ក្រសួងសាធារណការ និងដឹកជញ្ជូន សូមលើកទឹកចិត្ត និងសំណូមពរដល់បងប្អូនប្រជាពលរដ្ឋដទៃទៀត មេត្តាចូលរួមសហការរាយការណ៍ និងបន្តប្រើប្រាស់កម្មវិធីថែទាំផ្លូវ (ROAD CARE Mobile App) ដើម្បីចូលរួមអភិវឌ្ឍជាតិយើងទាំងអស់គ្នា។ សូមទាញយកកម្មវិធីថែទាំផ្លូវតាមរយៈតំណភ្ជាប់៖ - App Store: https://roadcare.mpwt.gov.kh/ios - Play Store: https://roadcare.mpwt.gov.kh/android