នាថ្ងៃស្អែកនេះ!!! មណ្ឌលផ្តល់បណ្ណបេីកបរអ៉ីអន១​ និង២​ និងគ្រប់មណ្ឌលត្រួតពិនិត្យបច្ចេកទេសយានយន្តទាំងអស់ ដំណេីរការធម្មតា​ ដេីម្បីសម្រួលនឹងពន្លឿនការផ្តល់សេវាជូនប្រជាពលរដ្ឋ —- ក្រសួងសាធារណការ​ និងដឹកជញ្ជូន​ សូមជូនដំណឹងដល់បងប្អូនប្រជាពលរដ្ឋថា​ ​នាថ្ងៃទី០១​ ខែឧសភា​ ឆ្នាំ២០២០​ មណ្ឌលផ្តល់បណ្ណបេីកបរអ៉ីអន១​ និងអ៉ីអន២​ និងគ្រប់មណ្ឌលត្រួតពិនិត្យបច្ចេកទេសយានយន្តទាំងអស់ដំណេីរការធម្មតា​ ដេីម្បីសម្រួលនឹងពន្លឿនការផ្តល់សេវាជូនប្រជាពលរដ្ឋ។ សូមជម្រាបជូនផងដែរថា បច្ចុប្បន្ន មណ្ឌលត្រួតពិនិត្យលក្ខណៈបច្ចេកទេសយានយន្ត មានចំនួន ៥ទីតំាងនៅក្នុងរាជធានីភ្នំពេញ (នៅផ្លូវ៥៩៨-ផ្លូវជាសុផារ៉ា, នៅបឹងបៃតងផ្លូវឧកញ៉ា ម៉ុង រិទ្ធី, នៅចំការដូង, នៅផ្លូវជាតិ៦អា និងនៅបឹងស្នោ) និង ៩ទីតំាងទៀត នៅខេត្ត ព្រះវិហារ, រតនគីរី, ក្រចេះ, សៀមរាប, បាត់ដំបង, កំពង់ស្ពឺ, ព្រះសីហនុ, កំពង់ចាម និង កំពង់ឆ្នាំង និងរថយន្តឈៀកចល័ត ៣។ អាស្រ័យ​ដូចបានជម្រាបជូនខាងលេីនេះ​បងប្អូនប្រជាពលរដ្ឋអាចជ្រាបជាព័ត៌មាន​ និងអាចយករថយន្តរបស់ខ្លួនទៅធ្វេីការត្រួតពិនិត្យបច្ចេកទេសយានយន្ត​ និងប្តូរបណ្ណបេីកបរតាមអាសយដ្ឋានដែលបានរៀបរាប់ខាងលេីនេះបាន។