ដើម្បីអាចចុះបញ្ជីតាមប្រព័ន្ធស្វ័យប្រវត្តិកម្មបាន លោកអ្នកត្រូវ មាន ឬ បង្កើត E-mail រួចចូលទៅកាន់គេហទំព័រ https://vehicle.mpwt.gov.kh និងបំពេញបែបបទបង្កើតគណនី ក្រោយពីបង្កើតគណនីរួចត្រូវចូលទៅក្នុងE-mail របស់លោកអ្នកដើម្បី Activate រួចហើយលោកអ្នកអាចចូលទៅក្នុងប្រព័ន្ធដើម្បីបញ្ជាទិញលេខទុក ឬចុះបញ្ជីបាន។

ដើម្បីអាចបញ្ជាទិញលេខទុកបានលោកអ្នកត្រូវបង្កើតគណនីក្នុងប្រព័ន្ធជាមុន រួចស្វែងរកលេខដែលពេញចិត្ត បន្ទាប់មកលោកអ្នកអាចបញ្ជាទិញលេខទុក និងធ្វើការទូទាត់ប្រាក់ ហើយលេខនោះនឹងក្លាយជាកម្មសិទ្ធិរបស់លោកអ្នកនៅក្នុងប្រព័ន្ធ។ ចំពោះសុពលភាពនៃលេខដែលបានបញ្ជាទិញរួចមានសុពលភាពចំនួន៣០ថ្ងៃ គិតចាប់ពីថ្ងៃដែលបានទូទាត់ប្រាក់រួច។ ក្រោយពីការបញ្ជាទិញរួចលោកអ្នកអាចបន្ដចុះបញ្ជីបានដោយចូលទៅកាន់គណនីរបស់លោកអ្នក និងបំពេញបែបបទតាមការណែនាំ រួចទូទាត់តម្លៃសេវាចុះបញ្ជី បន្ទាប់ពីបំពេញបែបបទ និងទូទាត់សេវាចុះបញ្ជីរួច លោកអ្នកត្រូវរង់ចាំពិនិត្យក្នុង Email របស់លោកអ្នកអំពីដំណើការផ្លាកលេខ និងរយៈដែលត្រូវមកទទួលផ្លាកលេខ។

ឯកសារតម្រូវសម្រាប់ការចុះបញ្ជីរួមមាន ឯកសារអត្តសញ្ញាណ (អត្តសញ្ញាណបណ្ណ សៀវភៅគ្រួសារ ឬសៀវភៅស្នាក់នៅ) , បង្កាន់ដៃពន្ធយានយន្ត លិខិតទិញលក់ និង វិញ្ញាបនបត្រត្រួតពិនិត្យលក្ខណៈបច្ចេកទេសយានយន្ត(អាចធ្វើបានក្នុងប្រព័ន្ធស្វ័យប្រវត្តិកម្មចុះបញ្ជី)។ អាចចុះបញ្ជីតាមប្រព័ន្ធស្វ័យប្រវត្តិកម្មដោយខ្លួនឯង តាមគេហទំព័រ https://vehicle.mpwt.gov.kh ឬ អាចទៅកាន់ក្រសួងសាធារណការនិងដឹកដឹកជញ្ជូន , ផ្សារទំនើបជីបម៉ុងណូរ៉ូម៉ល , មន្ទីរសាធារណការ និងដឹកជញ្ជូនរាជធានី-ខេត្ត ឬទៅកាន់ហាងលក់យានយន្តដែលមានសិទ្ធិចុះបញ្ជីជាមួយក្រសួង។

ការទូទាត់តម្លៃសេវាចុះបញ្ជីតាមប្រព័ន្ធស្វ័យប្រវត្តិកម្មលោកអ្នកអាចមានជម្រើសពីរ គឺទី១. អាចទូទាត់តាមគណនីផ្ទាល់ចំពោះលោកអ្នកដែលមានគណនីរបស់ភ្នាក់ងារទូទាត់ដែលសហការជាមួយក្រសួងដូចជា វីង , លីហួរ ឬ ស្មាតលុយ និងទី២. អាចទូទាត់ជាមួយបញ្ជរភ្នាក់ងារដែលមានកិច្ចសហប្រតិបត្តិការជាមួយក្រសួងដូចជា វីង , លីហួរ ឬ ស្មាតលុយ។

ការផ្ទេរកម្មសិទ្ធិ រួមមាន :ការផ្ទេរកម្មសិទ្ធិមានម្ចាស់ដើម និងអត់មានម្ចាស់ដើមឯកសារ​:- ពាក្យសុំផ្ទេរកម្មសិទ្ធិមួយច្បាប់- លិខិតទិញលក់២ច្បាប់ បំពេញរួច រងចាំផ្តិតមេដៃនៅចំពោះមុខមន្រ្តីទាំងម្ចាស់ដើមនិងម្ចាស់ចុងក្រោយ- អត្តសញ្ញាណបណ្ណរបស់ម្ចាស់ដើមនិងម្ចាស់និងក្រោយ ត្រូវថតចម្លងរួចបញ្ជាក់ពីច្រកចេញចូលតែមួយ។ (សម្រាប់ក្រុមហ៊ុនត្រូវមានបណ្ណប៉ាតង់ដែលមានបោះត្រាក្រុមហ៊ុន),-  កាតគ្រី- កាល់លេខតួរលេខម៉ាស៊ីន- ពន្ធផ្លូវ- ឆៀក- គល់ម្ញែត។ការផ្ទេរកម្មសិទ្ធិអត់មានម្ចាស់ដើមឯកសារមាន:- ពាក្យសុំផ្ទេរកម្មសិទ្ធិមួយច្បាប់- កិច្ចសន្យាធានាចំនួន២ ត្រូវបំពេញរួចយកទៅបញ្ជាក់ពីបុស្តី៍នគរបាលដែរម្ចាស់ចុងក្រោយស្នាក់នៅ- អត្តសញ្ញាណបណ្ណរបស់ម្ចាស់ដើម- អត្តសញ្ញាណបណ្ណរបស់ម្ចាស់ចុងក្រោយ ត្រូវថតចម្លងរួចបញ្ជាក់ពីច្រកចេញចូលតែមួយ។(សម្រាប់ក្រុមហ៊ុនត្រូវមានបណ្ណប៉ាតង់ដែលមានបោះត្រាក្រុមហ៊ុន),- កាល់លេខតួរលេខម៉ាស៊ីន- ពន្ធផ្លូវ- ឆៀក- គល់ម្ញែត- កាតគ្រី- លិខិតទិញលក់។ទីតាំងសម្រាប់ការផ្ទេរកម្មសិទ្ធិរថយន្តនៅភ្នំពេញមាន៖ ក្រសួងសាធារណនិងដឹកជញ្ជូន ឬផ្សារទំនើបជីបម៉ុងណូរ៉ូម៉ល និងនៅមន្ទីសាធារណការនិងដឹកជញ្ជូនតាមបណ្តាខេត្តនៃអាសយដ្ឋានអ្នកទិញនិងអ្នកទិញដើម្បីធ្វើបែបបទផ្ទេរកម្មសិទ្ធិ។