ថ្នាក់ដឹកនាំក្រសួង ចុះពិនិត្យទីតាំងសម្រាប់ការអនុវត្តគម្រោងការពន្លឿនការផ្គត់ផ្គង់ទឹកស្អាត និងអនាម័យ ក្រោមឥណទានសម្បទានរបស់ធនាគារពិភពលោក(WB) នាថ្ងៃទី១២ ខែមីនា ឆ្នាំ២០២៥ ឯកឧត្តម រស់ វណ្ណា រដ្ឋលេខាធិការក្រសួងសាធារណការ និងដឹកជញ្ជូន និងជានាយកគម្រោងការពន្លឿនការផ្គត់ផ្គង់ទឹកស្អាត និងអនាម័យ បានអញ្ជើញដឹកនាំសមាជិកគម្រោង ចុះពិនិត្យទីតាំងសម្រាប់ការអនុវត្តគម្រោងការពន្លឿនការផ្គត់ផ្គង់ទឹកស្អាត និងអនាម័យ ក្រោមឥណទានសម្បទានរបស់ធនាគារពិភពលោក(WB)។ ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ នាយករងគម្រោង ឯកឧត្តមអគ្គនាយក ថ្នាក់ដឹកនាំ និងមន្ត្រីជំនាញនៃអគ្គនាយកដ្ឋានប្រព័ន្ធចម្រោះទឹកកខ្វក់ ទីប្រឹក្សាជាតិ ថ្នាក់ដឹកនាំ និងមន្ត្រីជំនាញនៃមន្ទីរសាធារណការ និងដឹកជញ្ជូនខេត្តពោធិ៍សាត់ តំណាងរដ្ឋបាលសាលាខេត្តពោធិ៍សាត់ និងតំណាងរដ្ឋបាលសាលាក្រុងពោធិ៍សាត់។ ឯកឧត្តមនាយកគម្រោងក៏បានអញ្ជើញចុះពិនិត្យតាមទីតាំងនីមួយៗដែលគ្រោងធ្វើការសិក្សា និងបានស្នើដល់ក្រុមការងារទីប្រឹក្សាធ្វើការសិក្សានូវតំបន់អាទិភាពទាំងនោះ ដើម្បីធ្វើការពិនិត្យសម្រេចរកទីតាំងណាដែលសមស្របសម្រាប់ការអនុវត្តគម្រោងប្រកបដោយប្រសិទ្ធភាពខ្ពស់៕ :: ភ្ជាប់ទំនាក់ទំនងជាមួយក្រសួងសាធារណការ និងដឹកជញ្ជូន(MPWT) - Facebook: https://www.facebook.com/mpwt.gov.kh - Telegram: https://t.me/mpwtnews - TikTok: https://www.tiktok.com/@mpwt.tiktok - YouTube: https://www.youtube.com/@mpwt.youtube