[CEN] - ឆ្នាំ២០២០ ចំណូលពីការលក់លេខចុះបញ្ជីរថយន្ត (លេខចុះបញ្ជីពិសេស លេខចុះបញ្ជីពិសេសផ្ទាល់ខ្លួន) ទទួលបានចំនួន ៦៦.៤២៧,៧លានរៀល
2021-02-10
Go to the website published CEN
ភ្នំពេញ៖ គណៈកម្មការអន្តរក្រសួងឲ្យដឹងថា៖ ចំណូលពីការលក់លេខចុះបញ្ជីរថយន្ត (លេខចុះបញ្ជីពិសេស លេខចុះបញ្ជីពិសេសផ្ទាល់ខ្លួន) ទទួលបានចំណូលសរុបចំនួន ៦៦.៤២៧,៧លានរៀល ស្មើនឹង១០៦,០% ធៀបនឹងចំណូលឆ្នាំ២០១៩ ការអនុវត្តចំណូលឆ្នាំ២០២០ មានការកើន ឡើង៦,០%។
លោកជំទាវ កុយ សុដានី រដ្ឋលេខាធិកាក្រសួងសាធារណការ និងដឹកជញ្ជូន និងជាប្រធានគណៈកម្មការ អន្តរក្រសួងគ្រប់គ្រងការលក់លេខចុះបញ្ជីរថយន្ត អញ្ជើញដឹកនាំកិច្ចប្រជុំកែសម្រួលបទអន្តរាគមន៍ សម្រាប់ចូលរួមក្នុងសន្និបាតបូកសរុបលទ្ធផលការងារឆ្នាំ ២០២០ និងលើកទិសដៅការងារឆ្នាំ២០២១ របស់ក្រសួង ដែលនឹងប្រព្រឹត្តទៅនៅថ្ងៃទី១៦-១៧ ខែកុម្ភៈ ឆ្នាំ២០២១
ថ្ងៃអង្គារ ១២រោច ខែមាឃ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី៩ ខែកុម្ភៈ ឆ្នាំ២០២១ នៅទីស្ដីការ ក្រសួង លោកជំទាវ កុយ សុដានី រដ្ឋលេខាធិកាក្រសួងសាធារណការ និងដឹកជញ្ជូន និងជាប្រធានគណៈ កម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត បានអញ្ជើញដឹកនាំកិច្ចប្រជុំគណៈកម្មការអន្តរ ក្រសួងដើម្បីកែសម្រួលបទអន្តរាគមន៍សម្រាប់ចូលរួមក្នុងសន្និបាតបូកសរុបលទ្ធផលការងារឆ្នាំ២០២០ និងលើកទិសដៅការងារឆ្នាំ២០២១ របស់ក្រសួង ដោយមានការអញ្ជើញចូលរួមពីឯកឧត្តម លោកជំទាវ លោក លោកស្រី ជាអនុប្រធាន និងសមាជិកសមាជិកាគណៈកម្មការអន្តរក្រសួងផងដែរ។
អង្គប្រជុំបានពិភាក្សាយ៉ាងស៊ីជម្រៅលើចំណុចខ្លាំង ចំណុចខ្សោយ បញ្ហាប្រឈម ដំណោះស្រាយ និងសំណូមពរនៃបទអន្តរាគមន៍ទាក់ទងនឹងការគ្រប់គ្រងការលក់លេខចុះបញ្ជីរថយន្ត និងនីតិវិធីនៃការដេញថ្លៃលេខពិសេសផ្ទាល់ខ្លួនដើម្បីបង្ហាញជូនអង្គសន្និបាត ក៏ដូចជាដើម្បីជំរុញការផ្សព្វផ្សាយលើការលក់លេខចុះបញ្ជីរថយន្ត និងបង្កើនប្រាក់ចំណូលជាតិថែមមួយកម្រិតទៀតផងដែរ។
លោកជំទាវរដ្ឋលេខាធិការបានជំរុញលើកទឹកចិត្តឱ្យសមាជិកសមាជិកទាំងអស់របស់គណៈកម្មការ អន្តរក្រសួងគ្រប់គ្រងការលក់លេខចុះបញ្ជីរថយន្តចូលរួមយ៉ាងសកម្មក្នុងការផ្លាស់ប្ដូរយោបល់ ផ្ដល់ធាតុចូលសំខាន់ៗសំដៅធ្វើយ៉ាងណាឱ្យបទអន្តរាគមន៍នេះមានលក្ខណៈគ្រប់ជ្រុងជ្រោយឆ្លើយតបតាមស្ថានភាពជាក់ស្តែង ដើម្បីដាក់ជូនគណៈកម្មការត្រៀមរៀបចំសន្និបាតឱ្យបានទាន់ពេលវេលា។
ជាមួយគ្នានោះផងដែរ លោកជំទាវរដ្ឋលេខាធិការបានណែនាំឱ្យសមាជិកសមាជិកាគណៈកម្មការពិភាក្សា ឱ្យបានផុសផុលដើម្បីស្វែងរកយន្តការណាមួយសម្រាប់គ្រប់គ្រងនីតិវិធីនៃការដាក់ដេញថ្លៃលេខពិសេសផ្ទាល់ខ្លួន ឱ្យកាន់តែប្រសើរឡើងថែមទៀត សំដៅគ្រប់គ្រងចំណូលជាតិប្រកបដោយប្រសិទ្ធភាព។
ផ្អែកតាមរបាយការណ៍របស់គណៈកម្មការអន្តរក្រសួងឲ្យដឹងថា៖ ចំណូលពីការលក់លេខចុះបញ្ជីរថយន្ត (លេខចុះបញ្ជីពិសេស លេខចុះបញ្ជីពិសេសផ្ទាល់ខ្លួន) ទទួលបានចំណូលសរុបចំនួន ៦៦.៤២៧,៧លានរៀល ស្មើនឹង១០៦,០% ធៀបនឹងចំណូលឆ្នាំ២០១៩ ការអនុវត្តចំណូលឆ្នាំ២០២០ មានការកើន ឡើង៦,០%។
ឆ្លៀតក្នុងឱកាសនោះ លោកជំទាវរដ្ឋលេខាធិការ បានសម្តែងនូវការកោតសរសើរយ៉ាងជ្រាលជ្រៅចំពោះសមាជិកសមាជិកាគណៈកម្មការអន្តរក្រសួងគ្រប់គ្រងការលក់លេខចុះបញ្ជីរថយន្ត និងក្រុមការងារនៃអនុគណៈកម្មការទាំងពីរ ដែលបានខិតខំប្រឹងប្រែងបំពេញការងារប្រកដោយការយកចិត្តទុកដាក់ និងការទទួលខុសត្រូវខ្ពស់៕
