[CEN] - កន្លែងផលិតផ្លាកលេខរថយន្ដ ម៉ូតូមិនប្រក្រតី មាននៅខណ្ឌដូនពេញ តែត្រូវសមត្ថកិច្ចបង្ក្រាប
2019-12-01
Go to the website published CEN
ភ្នំពេញ៖ ចៅហ្វាយខណ្ឌដូនពេញ លោកសុខ ពេញវុធ បានថ្លែងប្រាប់អ្នកកាសែតថា នៅថ្ងៃទី៣០ ខែវិច្ឆិកា ឆ្នាំ២០១៩ វេលាម៉ោង១២និង៣០នាទីថ្ងៃត្រង់ កម្លាំងផ្នែកជំនាញព្រហ្មទណ្ឌ គ្រឿងញៀនបានសហការជាមួយកម្លាំងប៉ុស្ដិ៍នគរបាលរដ្ឋបាលចំនួន៣ប៉ុស្ដិ៍ រួមមាន ប៉ុស្ដិ៍នគរបាលផ្សារថ្មីទី៣ ប៉ុស្ដិ៍នគរបាលបឹងរាំង និងប៉ុស្ដិ៍នគរបាលចតុមុខ នៃអធិការដ្ឋាននគរបាលខណ្ឌដូនពេញ បានធ្វើការស្រាវជ្រាវ រហូតឈានដល់ការធ្វើការបង្ក្រាបបានករណីផលិតផ្លាកលេខរថយន្ដ ម៉ូតូមិនប្រក្រតីចំនួន៧ទីតាំង សរុបមនុស្សបានចំនួន៦នាក់។លោកបានបន្តថា កន្លែងផលិតផ្លាកលេខរថយន្ដ ម៉ូតូមិនប្រក្រតីចំនួន៧ទីតាំង មានដូចខាងក្រោម ៖
១)ប៉ុស្ដិ៍នគរបាលផ្សារថ្មីទី៣ កម្លាំងយើងធ្វើការឃាត់បានចំនួន៣ទីតាំង មនុស្សចំនួន២នាក់ ដកហូតបានផ្លាកលេខចំនួនសរុប២២ផ្លាកលេខ ក្នុងនោះមានផ្លាកលេខស៊ីវិល១០ផ្លាកលេខ ផ្លាកលេខនគរបាលចំនួន៣ផ្លាកលេខ ផ្លាកលេខខេមរភូមិន្ទចំនួន៥ផ្លាកលេខ ផ្លាកលេខរថយន្ដ៣ផ្លាកលេខ ផ្លាកលេខអ្នកការសែត១ផ្លាកលេខ កុំព្យូទ័រ២គ្រឿង ម៉ាស៊ីនកាត់ស្ទីកគ័រ២គ្រឿង ថ្នាំកំប៉ុង២៤កំប៉ុង កន្ត្រៃកាត់ស័ង្ហសី២ដើម ដង្កាប់២ដើម កន្ត្រៃតូច២ដើម។
២)ប៉ុស្ដិ៍នគរបាលបឹងរាំង កម្លាំងយើងធ្វើការឃាត់៣ទីតាំង មនុស្សចំនួន៣នាក់ ដកហូតបានផ្លាកលេខសរុបចំនួន២០ផ្លាកលេខ ក្នុងនោះមានផ្លាករថយន្ដលេខស៊ីវិលចំនួន៣ផ្លាកលេខ ផ្លាកលេខរថយន្ដនគរបាលចំនួន៤ផ្លាកលេខ ផ្លាកលេខរថយន្ដខេរភូមិន្ទ២ផ្លាកលេខ ផ្លាកលេខម៉ូតូស៊ីវិលចំនួន៨ផ្លាកលេខ ផ្លាកលេខម៉ូតូនគរបាលចំនួន១ ផ្លាកលេខម៉ូតូខេមរភូមិន្ទ១ កន្ត្រៃកាត់ស័ង្កសី១ ដែកឆាបចំនួន១ ថ្នាំពណ៌ចំនួន៦កំប៉ុង។
៣)ប៉ុស្ដិ៍នគរបាលចតុមុខ កម្លាំងយើងធ្វើការឃាត់១ទីតាំ មនុស្សម្នាក់ ដកហូតបានផ្លាកលេខសរុប៣៣ផ្លាកលេខ ក្នុងនោះរួមមានផ្លាកលេខរថយន្ដស៊ីវិល២១ ផ្លាកលេខរថយន្ដរដ្ឋ២ ផ្លាកលេខរថយន្ដចង្កូតស្ដាំ៣ ផ្លាកលេខម៉ូតូខេមរភូមិន្ទ៦ ផ្លាកលេខម៉ូតូស៊ីវិល១ កន្ត្រៃកាត់ស័ង្កសី១ដើម កូនសោលេខ១៤ចំនួន១ ម៉ាស៊ីនកាត់ស្ទីកគ័រ១ កុំព្យូទ័រ១ ថ្នាំពណ៌១៥កំប៉ុង ម៉ាស៊ីនដាប់ជ្រី១។
ចំពោះមុខ កម្លាំងជំនាញរបស់អធិការដ្ឋាននិងប៉ុស្ដិ៍ កំពុងកងសាងសំណុំរឿង បញ្ជូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនីតិវិធីនៃច្បាប់៕
